Su gazetinu

Su Gazetinu, domìnigu 5 de nadale de su 2021

Su Gazetinu

Su Gazetinu OK

Su Gazetinu, domìnigu 5 de nadale de su 2021

Su termòmetru s’abbassat torra e in provìntzia de Aristanis arribat un’àtera undada de frius, cun àstragu e nie. S’Amparu tzivile regionale at bogadu eris un’avisu nou de cunditziones mèteu perigulosas. Balet dae mesudie de oe fintzas a mesudie de cras, lunis 6 de nadale.

In Sardigna si prevident proiduras, ispainadas in sa parte otzidentale e isuladas in is àteros logos, fintzas cun piessignu de isderrocada de abba o temporadas isuladas.

Est capatzu fintzas chi niet, a primìtzios a subra de 900 metros de artària, ma su nie diat pòdere calare fintzas in is montes de 600 metros.

Ma diat pòdere niare fintzas a artàrias prus bàscias, mancari su nie s’iscaget a lestru.

Cunsideradas is temperaduras bàscias, in totu sa Sardigna est capatzu chi fatzat àstragu, in carchi logu fintzas a suta de 600 metros de artària. Si racumandat, duncas, cautela manna.

Antoni Nàtziu Garau

commenta

Tutte le notizie

Su Gazetinu, martis 30 de abrile de su 2024

Su Gazetinu, martis 30 de abrile de su 2024

Pistocos de su bonucoro – Lompet a 10 annos e torrat a Sardigna puru sa campànnia “Deo pro Issa” de Telethon, dedicada a is mamas de is pipios chi tenent una maladia genètica rara.

Cuncordada acanta de sa festa de is mamas, sa campànnia previdet sa bèndida de coros de pistocu pro agiudare sa chirca iscientìfica de sa Fundatzione Telethon.

Dae Cabu de Susu a Cabu de Giosso, dae is biddas prus mannas a cuddas prus piticas, su 4 e su 5 de maju in 26 biddas de Sardigna s’ant a pòdere agatare a is voluntàrios de sa Fundatzione Telethon e de s’Unione Italiana pro sa Gherra contras de sa Distrofia Musculare, paris cun is voluntàrios de s’Avis, cun cussos de s’Assòtziu Natzionale de is Famìllias de Persones cun Disabilidade Intelletiva o Relatzionale, de s’Unione Natzionale de is Pro Loco de Itàlia e de s’Atzione Catòlica, chi ant a dare is coros de pistocu a càmbiu a pare cun una donatzione de a su mancus 15 èuros.

Prodùsidos dae s’ofelleria istòrica genovesa Grondona, is coros de pistocu sunt durches a forma de coro, chi si podent papare in onni momentu de sa die, disponìbiles in tres calidades lichitosas diferentes: su gustu nou in editzione ispetziale cuncordadu in ocasione de is deghe annos de sa campànnia de bonucoro Telethon de beranu cun arantzu de Sitzìlia e istìddios de tziculate, pasta violada cun butirru, cacao cun istìddios de tziculate.

Pro custa editzione de sa campànnia “Deo pro Issa”, is istèrgios de liàuna ddos ant fatos de tres colores diferentes, metallizados, a tenore de is tres calidades diferentes de pistocu.

In ònnia iscàtula de liàuna ddoe sunt tres vaschetas cun ses pistocos onniuna, 18 pistocos in totu duncas, chi pesant 300 grammos. Onni vascheta est imboligada a sa sola, pro apoderare su fragu bellu de is pistocos a penas isforrados. In s’imboddiada ddoe est fintzas una cartolina, cun unu sinnalibru coloradu chi si podet allogare e in ue si ddoe podet lèghere unu contu: incuadrende su QR code, at a fàghere a iscobèrrere una sorpresa ispetziale.

In sa pàgina Internet de Telethon, in s’indiritzu www.telethon.it, faghet a iscobèrrere sa bidda prus acanta in ue si podent comporare is pistocos de su bonucoro.

Antoni Nàtziu Garau

Faina fata cun s’agiudu de sa Regione Sardigna – IMPRENTAS 2023-2024 – L.R. 22/2018, art. 22.