Su gazetinu

Su Gazetinu, domìnigu 19 de cabudanni de su 2021

Su Gazetinu

Su Gazetinu OK

Su Gazetinu, domìnigu 19 de cabudanni de su 2021

Aristanis, Prontu sucursu – Si chèsciant e minetzant denùntzias is sindacados de is mèigos chi non ddis praghet su provedimentu chi previdet de impreare mèigos de àteros repartos de s’ispidale pro transire s’arriscu chi su Prontu sucursu de su Santu Martinu serret. A parre de is dotores su provedimentu no andat bene ne in sa carrera formale nen pro su chi pertocat s’arriscu chi diant cùrrere is malàidos.

Coronavirus – Nemmancu unu mortu in Sardigna e impestu perunu in provìntzia de Aristanis. No acontessiat dae ora e custu faghet isperare chi s’emergèntzia pro su Coronavirus lasset unu pagheddu de istuda, cunsiderende fintzas chi su nùmeru de is vatzinados est semper prus artu.

Cùglieri, fèstival “Sardinia Anima Mundi” – Su fèstival “Sardinia Anima Mundi” lompet ocannu a sa de chimbe editziones e, pro tres dies (su 24 de cabudanni, su 2 e su 3 de santugaine), at a faeddare de sa relata intra de òmine e territòriu. Unu tema chi si càrrigat de unu significadu particulare, a pustis de su degòlliu mannu ingendradu in su mese de trìulas dae su fogu chi si nche at papadu una parte manna de pasturas, siendas e padentes seculares de Monteferru.

Antoni Nàtziu Garau

commenta

Tutte le notizie

Su Gazetinu, martis 30 de abrile de su 2024

Su Gazetinu, martis 30 de abrile de su 2024

Pistocos de su bonucoro – Lompet a 10 annos e torrat a Sardigna puru sa campànnia “Deo pro Issa” de Telethon, dedicada a is mamas de is pipios chi tenent una maladia genètica rara.

Cuncordada acanta de sa festa de is mamas, sa campànnia previdet sa bèndida de coros de pistocu pro agiudare sa chirca iscientìfica de sa Fundatzione Telethon.

Dae Cabu de Susu a Cabu de Giosso, dae is biddas prus mannas a cuddas prus piticas, su 4 e su 5 de maju in 26 biddas de Sardigna s’ant a pòdere agatare a is voluntàrios de sa Fundatzione Telethon e de s’Unione Italiana pro sa Gherra contras de sa Distrofia Musculare, paris cun is voluntàrios de s’Avis, cun cussos de s’Assòtziu Natzionale de is Famìllias de Persones cun Disabilidade Intelletiva o Relatzionale, de s’Unione Natzionale de is Pro Loco de Itàlia e de s’Atzione Catòlica, chi ant a dare is coros de pistocu a càmbiu a pare cun una donatzione de a su mancus 15 èuros.

Prodùsidos dae s’ofelleria istòrica genovesa Grondona, is coros de pistocu sunt durches a forma de coro, chi si podent papare in onni momentu de sa die, disponìbiles in tres calidades lichitosas diferentes: su gustu nou in editzione ispetziale cuncordadu in ocasione de is deghe annos de sa campànnia de bonucoro Telethon de beranu cun arantzu de Sitzìlia e istìddios de tziculate, pasta violada cun butirru, cacao cun istìddios de tziculate.

Pro custa editzione de sa campànnia “Deo pro Issa”, is istèrgios de liàuna ddos ant fatos de tres colores diferentes, metallizados, a tenore de is tres calidades diferentes de pistocu.

In ònnia iscàtula de liàuna ddoe sunt tres vaschetas cun ses pistocos onniuna, 18 pistocos in totu duncas, chi pesant 300 grammos. Onni vascheta est imboligada a sa sola, pro apoderare su fragu bellu de is pistocos a penas isforrados. In s’imboddiada ddoe est fintzas una cartolina, cun unu sinnalibru coloradu chi si podet allogare e in ue si ddoe podet lèghere unu contu: incuadrende su QR code, at a fàghere a iscobèrrere una sorpresa ispetziale.

In sa pàgina Internet de Telethon, in s’indiritzu www.telethon.it, faghet a iscobèrrere sa bidda prus acanta in ue si podent comporare is pistocos de su bonucoro.

Antoni Nàtziu Garau

Faina fata cun s’agiudu de sa Regione Sardigna – IMPRENTAS 2023-2024 – L.R. 22/2018, art. 22.