Meteo

Le previsioni del tempo previsioni

A cura dell’agenzia Arpas Sardegna

Cielo nuvoloso

Cagliari

A cura dell’agenzia Arpas Sardegna

Cielo irregolarmente nuvoloso e non si escludono isolati piovaschi in mattinata sul settore settentrionale, secondo le previsioni del servizio Arpas Sardegna.

Temperature: in aumento in entrambi i valori.

Venti: moderati o forti da sud-ovest, in rotazione e attenuazione da sud in tarda serata.

Mari: agitati i settori occidentali e meridionali, mossi o molto mossi altrove. Moto ondoso in calo sui settori occidentali dalla serata.

Giovedì, 28 marzo 2024

Grazie per aver letto questo articolo. Se vuoi commentarlo, accedi al sito o registrati qui sotto. Se, invece, vuoi inviare alla Redazione di Linkoristano un’informazione, una segnalazione, una foto o un video, puoi utilizzare il numero Whatsapp 331 480 0392, o l’indirizzo email redazione@linkoristano.it

Più informazioni

commenta

Tutte le notizie

Su Gazetinu, mèrcuris 24 de abrile de su 2024

Su Gazetinu, mèrcuris 24 de abrile de su 2024

Dae su beranu a s’atòngiu, in cumpangia de Monumentos Abertos – Dae su mese de maju fintzas a su mese de santugaine, 76 intra de tzitades e biddas de Sardigna, cun s’atzunta de Bitonto, in Pùllia, e de Ferrara, in Emìlia Romànnia, ant a abèrrere is ghennas de is monumentos issoro. Monumentos Abertos at a propònnere ocannu puru unu biàgiu longu pro iscobèrrere unos cantos benes culturales e naturales sardos e italianos. Su tema seberadu pro sa de XXVIII editziones de sa manifestatzione cuncordada dae s’assòtziu Imago Mundi est “Logos pro is bisos”, movende dae su connotu e castiende a su tempus benidore.

Pro custa ocasione s’ant a pòdere bisitare prus de 800 monumentos, balende-si de s’acumpangiamentu e de is contos de agiomai 20.000 istudiantes e voluntàrios.

S’at a cumentzare sàbadu 4 e domìnigu 5 de maju dae Nurachi, Portu Turre, Cuartu Sant’Aleni, Samassi, Santu ‘Èngiu, Tàtari e Sant’Antiogu. E s’at a acabbare in Casteddu, sàbadu 26 e domìnigu 27 de santugaine.

In mesu ddoe sunt Aristanis, s’11 e su 12 de maju, e S’Alighera, su 18 e su 19 de maju, Terranoa, su 25 e su 26 de maju. Is duos apuntamentos foras dae s’ìsula s’ant a fàghere in atòngiu, su 12 e su 13 de santugaine, in Bitonto, e su 19 e su 20 de santugaine, in Ferrara.

“Semus acostende a is primos 30 annos de vida de Monumentos Abertos”, narat su presidente de s’assòtziu Imago Mundi, Massimiliano Messina. “S’editzione de su 2024 dda bolemus dedicare a Linetta Serri, chi est istada pro unos deghe annos una colunna pro s’assòtziu nostru. Un’esempru pro totus, chi amus a sighire de seguru. In dae in antis de una pèrdida aici manna, Monumentos Abertos in su 2024 creschet: difatis, in Sardigna nche tenimus prus amministratziones comunales chi pigant parte a sa retza, intradas noas, dae su Cabu de Susu a su Cabu de Giosso, comente a Alzachena o Nurachi, Lungoni o Nuxis, pro nde remonare una pariga, paris cun sa torrada de tzitades de importu, comente a Terranoa e Tèmpiu. E custu bolet nàrrere prus iscolas, prus assòtzios culturales, prus istudiantes e voluntàrios impignados, prus comunidades. Un’ispera bona pro su tempus benidore”.

Antoni Nàtziu Garau

Faina fata cun s’agiudu de sa Regione Sardigna – IMPRENTAS 2023-2024 – L.R. 22/2018, art. 22.