Prima categoria

Su Gazetinu, 21 de martzu 2021

Su Gazetinu

Su Gazetinu OK

Su Gazetinu, 21 de martzu 2021

Su Gazetinu

Vatzinos – A is persones chi tenent dificultades in su caminare tocat a ddis fàghere su vatzinu contras de su coronavirus in domo issoro. Ddu domandat su sindacadu de is mèigos de base Fimmg de Aristanis.

Compidada de is Carabineris – Is Carabineris de su NAS ant fatu una compidada in su poliambulatòriu de s’Assl de Aristanis. Ant averiguadu is protzeduras de faghimentu de is vatzinos contras de sa Covid-19.

Aristanis, ismèngua de sa Tari – Ismèngua de sa Tari fintzas a 300 èuros pro impresas, professionistas e assòtzios in dificultade. Su sèberu dd’at fatu s’Amministratzione comunale de Aristanis, cunsiderada sa situatzione de emergèntzia chi semus connoschende.

Domìnigu, 21 de martzu 2021

commenta

Tutte le notizie

Su Gazetinu, martis 7 de maju de su 2024

Su Gazetinu, martis 7 de maju de su 2024

Un’ìsula a chimbe chircos – Sunt bator is sardos chi tenent giai prontu su billete pro is Olimpìades de Parigi, in programma dae su 26 de trìulas a s’11 de austu. A Frantza ddoe ant a andare de seguru su campione de tiru a bòlidu Luigi Todde, nàschidu in Otieri, su pesista de Ilartzi Sergio Massidda, sa velista de Casteddu Marta Maggetti, protagonista in su windsurf, e su ginnasta de Cuartu Sant’Aleni Nicola Bartolini.

Ma calicunu àteru no at a trigare a si-ddoe atzùnghere. In custa ùrtima coa de chida, in is World Relays de atlètica lèbia, ant otentu sa cualificatzione olìmpica s’istafeta 4X100 maschile e cussa feminile. Me in is Bahamas ddoe ant curtu fintzas is velotzistas Lorenzo Patta de Aristanis, medàllia de oro tres annos a oe in Tokyo, e Dalia Kaddari, de Cuartu Sant’Aleni. Pro issos sa cunvocatzione pro andare a Parigi diat dèpere èssere segura.

Ma a Frantza ddoe bolet andare fintzas su canoteri de Aristanis Stefano Oppo, chi in cabudanni de su 2023, cun Gabriel Soares, at permìtidu sa cualificatzione de sa barca asula de is pesos lèbios addopiados. Sa cunvocatzione diat pòdere arribare però dae is apuntamentos internatzionales imbenientes, cumentzende dae sa de duas tapas de sa Copa de su Mundu, chi dda faghent in Lucerna, dae su 24 a su 26 de maju. Lòmpidu su de bator in Rio, Oppo at conchistadu sa prata in Giapone, in su 2021.

A pustis de un’istajone malassortada cun s’Allianz Vero Volley de Milanu, Alessia Orro est chirchende de si torrare a abbiatzare, pronta a si pònnere sa bestimenta in colore de chelu de s’Italvolley feminile. Sa Natzionale allenada dae Julio Velasco at a proare in Nations League a si cualificare pro is Olimpìades.

Ma a Parigi ddoe diant chèrre andare fintzas is tataresos Simone Piroddu, pro sa lota, e Marco Spissu, pro sa pallacanestru. Custu ùrtimu, playmaker de sa Reyer Venètzia ma crèschidu in sa Dinamo de Tàtari, est una de is antas de s’Italbasket chi a primìtzios de trìulas at a bolare cara a Porto Rico, pro su torneu preolìmpicu.

Antoni Nàtziu Garau

Faina fata cun s’agiudu de sa Regione Sardigna – IMPRENTAS 2023-2024 – L.R. 22/2018, art. 22.