Su Gazetinu, 13 de martzu de su 2021

Su Gazetinu, 13 de martzu de su 2021

Su Gazetinu

Crabas, tunda in su rugheri – Giai dae s’istadiale imbeniente in su rugheri de Crabas dae ue movent is bias chi portant a is costeras de su Sinis ddoe at a àere una tunda. Su Comune at fatu a ischire chi s’at a fàghere una tunda provisòria pro amparare sa seguresa de is automobilistas.

Aristanis, apellu a is giòvanos – Su sìndigu de Aristanis Andrea Lutzu at fatu un’apellu a is giòvanos de Aristanis pro chi in sa coa de chida non fatzant atropèllios in su tzentru de sa tzitade e pro non bufare bìbitas alcòlicas. Si custu invitu puru no at a isboligare is efetos disigiados, chida chi benit su sìndigu at bogare ordinàntzias a s’aposta cun proibimentos che a cuddos bogados in is dies de Carrasegare.

Ofertas de traballu – Unas cantas ofertas de traballu arribant dae Aristanis, Crabas, Marrùbiu e Terraba. Totu is interessados chi ddas bolent lèghere podent castiare is pàginas Internet de sardegnalavoro.it.

Bìsitas ispetzialìsticas – Sa Regione at crèschidu su nùmeru de is oras a disponimentu de is tzitadinos sardos pro is averiguaduras ispetzialìsticas in cunventzione. Su provedimentu at a permìtere a is professionistas de tènnere su 14 % in prus de oras pro fàghere is bìsitas.

Sàbadu, 13 de martzu de su 2021