In sardegna

Su Gazetinu, sàbadu 24 de trìulas de su 2021

Su Gazetinu

Su Gazetinu OK

Su Gazetinu

Sàbadu, 24 de trìulas de su 2021

Coronavirus, 16 impestos in Terraba – Est crèschidu e de meda puru su nùmeru de is impestos de Coronavirus in Terraba. Su sìndigu Sandro Pili at fatu a ischire de àteras 16 positividades. Cunforma a su chi at naradu su sìndigu sunt persones chi faghent parte de famìllias chi non fiant interessadas fintzas a immoe de positividades. Su nùmeru de is residentes chi nd’ant piscadu su virus Sars-Cov-2 nch’est artziadu duncas a 26.

Stefano Oppo in mesufinale – Bene meda sa prima proa in is pesos ligeros a duos de Tokyo pro su canoteri Stefano Oppo. Su carabineri de Aristanis e Pietro Ruta sunt arribados segundos, a pustis de sa Germània. Martis ant a giogare is mesufinales.

Fogu in sartu de Sèneghe – Ancoras fogu in Monteferru. Un’àteru fogu est mòvidu custu mangianu in sartu de Sèneghe, in cussòrgia Nuraghe Su Maortozzu. Ddoe sunt intervènnidos duos elicòteros de su Corpus Forestale de sa base de Fenosu e una patùllia de Sèneghe. Eris un’àteru fogu aiat interessadu su sartu intra de Bonàrcadu e Santu Lussurzu.

Antoni Nàtziu Garau

—–
Attività realizzata col contributo della Regione Sardegna – IMPRENTAS 2020-2021. LR 22/2018, art. 22

commenta

Tutte le notizie

Su Gazetinu, mèrcuris 24 de abrile de su 2024

Su Gazetinu, mèrcuris 24 de abrile de su 2024

Dae su beranu a s’atòngiu, in cumpangia de Monumentos Abertos – Dae su mese de maju fintzas a su mese de santugaine, 76 intra de tzitades e biddas de Sardigna, cun s’atzunta de Bitonto, in Pùllia, e de Ferrara, in Emìlia Romànnia, ant a abèrrere is ghennas de is monumentos issoro. Monumentos Abertos at a propònnere ocannu puru unu biàgiu longu pro iscobèrrere unos cantos benes culturales e naturales sardos e italianos. Su tema seberadu pro sa de XXVIII editziones de sa manifestatzione cuncordada dae s’assòtziu Imago Mundi est “Logos pro is bisos”, movende dae su connotu e castiende a su tempus benidore.

Pro custa ocasione s’ant a pòdere bisitare prus de 800 monumentos, balende-si de s’acumpangiamentu e de is contos de agiomai 20.000 istudiantes e voluntàrios.

S’at a cumentzare sàbadu 4 e domìnigu 5 de maju dae Nurachi, Portu Turre, Cuartu Sant’Aleni, Samassi, Santu ‘Èngiu, Tàtari e Sant’Antiogu. E s’at a acabbare in Casteddu, sàbadu 26 e domìnigu 27 de santugaine.

In mesu ddoe sunt Aristanis, s’11 e su 12 de maju, e S’Alighera, su 18 e su 19 de maju, Terranoa, su 25 e su 26 de maju. Is duos apuntamentos foras dae s’ìsula s’ant a fàghere in atòngiu, su 12 e su 13 de santugaine, in Bitonto, e su 19 e su 20 de santugaine, in Ferrara.

“Semus acostende a is primos 30 annos de vida de Monumentos Abertos”, narat su presidente de s’assòtziu Imago Mundi, Massimiliano Messina. “S’editzione de su 2024 dda bolemus dedicare a Linetta Serri, chi est istada pro unos deghe annos una colunna pro s’assòtziu nostru. Un’esempru pro totus, chi amus a sighire de seguru. In dae in antis de una pèrdida aici manna, Monumentos Abertos in su 2024 creschet: difatis, in Sardigna nche tenimus prus amministratziones comunales chi pigant parte a sa retza, intradas noas, dae su Cabu de Susu a su Cabu de Giosso, comente a Alzachena o Nurachi, Lungoni o Nuxis, pro nde remonare una pariga, paris cun sa torrada de tzitades de importu, comente a Terranoa e Tèmpiu. E custu bolet nàrrere prus iscolas, prus assòtzios culturales, prus istudiantes e voluntàrios impignados, prus comunidades. Un’ispera bona pro su tempus benidore”.

Antoni Nàtziu Garau

Faina fata cun s’agiudu de sa Regione Sardigna – IMPRENTAS 2023-2024 – L.R. 22/2018, art. 22.