Sa chida colà sos istudentes de s’universidade de Aristanis ana atopau su presidente de sa Regione, Francesco Pigliaru, in sa sede de su Chiostro del Carmine. S’ozetu de su cufrontu est’istau cussu de sos impignos prò su presente e su tempus benidore chi sa Regione juchede idea de picare prò sos cursos del laurea presentes in su Consorzio Uno, chi dae su 1996 cuvrennada s’atividade. Sas dificurtades mannas sunu ligas a sa zertesa de sos finantziamentos, chi achene parte de un’undu a banda prò sustennere sas sedes minores de s’universidade in Sardigna, chi oltras a Aristanis cumprendene Iglesias, Nugoro e Olbia.
In su Consorzio Uno s’impignu est sempere artu, puru cun custa peleas. L’amus a intendere custu sero durante s’atopu de “Imparis” (s’urtimu prò ocannu). In su telefono, cullegas cun s’istudiu de Radio Cuore, sa responsabile de sa secreteria, Cristina Tatti, e s’istudentessa Mara D’Agostino, 20 annos, cun radichinas in Orune, chi frequentada su cursu de “Economia e Gestione dei Servizi Turistici”. Nos ana a faeddare de sos diferentes cursos e de sas possibilidades de tribagliu chi dada s’iscola universitaria de Aristanis.
Sa rubrica, cuvrennà in s’istudiu dae Francesco Pirisi, venidi trasmitia a sas 19.20-21,20 – 22,20 e 23, 20.
Ammentamus chi Radio Cuore de Aristanis, est presente in sa Vrequenza 97. Si podede ascurtare puru in su situ de Internet, intrande in s’indiritzu www.radiocuore.net.
Lunis, 20 de Santu Gavini 2014
commenta