ROSINA SOLANO

Su Gazetinu, mèrcuris 29 de maju de su 2024

Is traballadores de is impresas artesanas – Sunt sa bellesa de 64.197 is ocupados me in is impresas artesanas piticheddas in Sardigna. Ddu narat sa relata noa de Confartesania, chi at osservadu livellos de ocupatzione in custa genia de realidade chi propassant de tres bortas su chi presentant is multinatzionales italianas e istràngias chi tenent sa sea in s’Ìsula nostra.

Segundu su dossier “Key data de sa cultura artesana”, is atividades artesanas propassant de su 190% s’ocupatzione in is siendas prus mannas. A livellu natzionale, s’Ìsula est in su de duos postos in cantu a nùmeru de traballadores artesanos, propassada dae sa Calàbria isceti, cun unu livellu de diferèntzia de su 230%.

“Ddoe at un’intritzu de chistiones istruturales, culturales e normadoras chi sunt de agiudu pro is impresas artesanas sardas cunforma a su sistema de is multinatzionales”, narant Giacomo Meloni e Daniele Serra, presidente e segretàriu de Confartesania Impresas Sardigna.

“Is siendas piticheddas sunt prus a modu de is multinatzionales mannas, s’adatant mègius a is mudaduras de is cunditziones de su mercadu e a is bisòngios de is clientes, abarrende cumpetidoras fintzas in simanas econòmicas pagu seguras”.

“Is impresas mesanas e piticheddas sardas faghent parte de setores de importu mannu pro s’economia sarda comente a cussu de sa moda, de sa cosa de papare, de is servìtzios turìsticos e de su contivìgiu de sa persone, de su trasportu de is mertzes e de is persones. Is impresas piticheddas tenent una cultura imprenditoriale manna, cun sa punna a su traballu pro contu issoro prus manna de sa mèdia europea”, ant atzuntu.

In is àteras regiones de Itàlia, s’ocupatzione in is siendas artesanas est de 2 milliones de traballadores e propassat de su 42% sa de is siendas mannas multinatzionales, firma a 1 millione e 835 mìgia traballadores. Sa regione cun su nùmeru de traballadores prus mannos est sa Toscana, cun 224 mìgia ocupados, sighida dae su Vènetu e dae su Piemonte.

Antoni Nàtziu Garau

Faina fata cun s’agiudu de sa Regione Sardigna – IMPRENTAS 2023-2024 – L.R. 22/2018, art. 22.