Zeddiani
Non ci sono feriti
Incidente stradale nel centro abitato di Zeddiani. Questo pomeriggio un’auto di servizio di Poste Italiane e una Renault si sono scontrate in via Eleonora d’Arborea.
Non si sono registrati feriti, ma solo danni ai mezzi.
Sul posto sono intervenuti i vigili del fuoco del Comando di Oristano e i carabinieri.
-segue-
Lunedì, 6 maggio 2024
Su Gazetinu, lunis 27 de maju de su 2024
Ddoe est una sienda sarda puru intra de is impresas sustenìbiles premiadas in Roma – Ddoe est fintzas una sienda sarda intra de is premiadas in su Palàtziu Della Valle, in Roma, pro su chi pertocat sa sustenibilidade ambientale e su tramudu energèticu in ocasione de sa presentada de sa relata annuale AGRIcoltura100, unu progetu de Confagricoltura e de Reale Mutua.
In is dies passadas, difatis, ant premiadu sa sienda de Domenico Manca de S’Alighera, connota pro su produsimentu de s’olia e de s’ògiu “San Giuliano”. Is impresas candidadas fiant 3.132 in totu Itàlia: de custas, tres ddas ant premiadas pro su livellu artu de sustenibilidade generale, mentras àteras oto, e sa sienda de S’Alighera est intra de custas, ant otentu su mentovu ispetziale dedicadu a s’impreu de solutziones annoadoras e de promovimentu de sa sustenibilidade ambientale, acumpangiadas dae fainas de agiudu sotziale e econòmicu pro is comunidades in ue traballant.
“Custa genia de reconnoschimentos nos apretat, ma prus che totu nos òbligat, a sighire in su surcu de sa calidade, de sa responsabilidade e de s’annoadura, pro chi mudet sa manera de fàghere impresa, in ue no tocat a pensare a sa crèschida isceti, ma fintzas a s’avaloramentu de su territòriu e de is persones”, at naradu Pasquale Manca. “Dèdico custu prèmiu a babbu miu, Domìnigu, chi at dadu a mie e a is collaboradores meos sa passione pro sa terra, imparende-nos a fàghere su chi faghimus ònnia die cun afatèriu e impinnu”.
Dae sa relata annuale nd’at essidu a pìgiu chi, ònnia deghe impresas, sete in is ùrtimos duos annos ant investidu in s’annoadura de is tecnologias e de is tècnicas agrìculas. E est s’annoadura, a parre de Confagricoltura, chi permitit su tramudu ecològicu e chi megiorat is cunsighèntzias de su traballu in s’ambiente, de tale manera chi is impresas prus annoadoras sunt su 78,9%.
E mentras is siendas cun unu livellu artu de sustenibilidade sunt in crèschida (su 55,3%), cussas a livellu normale sunt in ismèngua: in su 2020 fiant su 20 %, mentras immoe sunt su 12,1% isceti.
Antoni Nàtziu Garau
Faina fata cun s’agiudu de sa Regione Sardigna – IMPRENTAS 2023-2024 – L.R. 22/2018, art. 22.
commenta