S’atividade de teatro in Sardigna est s’argumentu de sa rubrica de “Imparis”, trasmitia custu sero dae Radio Cuore, a comintzare dae sas sete e binti. Nd’amus a faeddare cun Virginia Garau de sa cumpantzia “Tragodia” de Mogoro, presente dae oltras vintghimbe annos in sos parcos de s’isola, e cun Giusy Zoccheddu, de su sotziu teatrale de Ardaule, chi operada dae su 1994.
Tra sas cosas de prus importu chi amus a intendere cussa ligà a s’atividade de issegnamentu de su teatro in sas iscolas, pro acurtziare pitzinnos e zobanos a cussa chi est una de sas artes prus anticas, si solu pessamus a sa difusione de su teatro durante sa tziviltade de sos Grecos. Virginia Garau ada a contare propriu sa manera de achere una letzione e cussas chi sunu sas primas cosas chi venini issegnas a unu allievu.
Non ada a mancare puru carchi paragula in supra de sas dificurtades chi est colande s’atividade, ca sunu sempere prus mannos sos tantos in dinare chi venini a mancare annu cun annu, mescamente dae cussu chi est’istau fintzas a carchi tempus achede s’impignu de sa Regione.
Sa rubrica, cuvrennà in s’istudiu dae Francesco Pirisi, venidi trasmitia a sas 19.20-21,20 – 22,20 e 23, 20.
Ammentamus chi Radio Cuore de Aristanis, est presente in sa Vrequenza 97. Si podede ascurtare puru in su situ de Internet, intrande in s’indiritzu www.radiocuore.net.
Lunis, 13 de Santu Gavini 2014
commenta