Iniziativa elettorale a Oristano
Il Movimento 5 stelle in piazza
In vista delle elezioni politiche
Il Movimento 5 Stelle sarà presente in Piazza Roma, a Oristano, con banchetti informativi in vista delle elezioni del 4 marzo. L’appuntamento con gli attivisti del movimento è sabato prossimo 17 febbraio, dalle 10.30 alle 10, per la a distribuzione di materiale informativo.
Parteciperanno attivisti, portavoce e simpatizzanti.
Giovedì, 15 febbraio 2018
Su Gazetinu, mèrcuris 8 de maju de su 2024
Elègidos is presidentes de is Cummissiones de su Consìgiu – Is ses Cummissiones permanentes de su Consìgiu regionale de Sardigna si sunt aposentadas. Eris ant elègidu a is cumponentes de is ufìtzios de presidèntzia.
Su presidente de sa Cummissione Autonomia e Reformas est Salvatore Corrias (PD), su vitze-presidente Giuseppe Fasolino (Riformadores).
Sa ghia de sa Cummissione Traballu, Cultura e Formatzione professionale dd’ant assignada a Camilla Soru (PD), cun Maria Francesca Masala (FdI) vitze-presidente.
A su consigieri regionale aristanesu Alessandro Solinas (Movimentu Chimbe Isteddos), chi amegat de fàghere sa de duas legisladuras, dd’ant elègidu presidente de sa Cummissione Programmatzione e Bilàntziu. Su vitze-presidente est Giuseppe Talanas (Fortza Itàlia).
Sa Cummissione pro su Guvernu de su Territòriu dd’at a ghiare Roberto Li Gioi (Movimentu Chimbe Isteddos), cun Franco Mula (Alleàntzia Sardigna-Pli) a vitze-presidente.
Àteros rapresentantes de sa provìntzia de Aristanis s’agatant in sa ghia de sa Cummissione Fainas produsidoras. A presidente ddoe ant postu a Antonio Solinas (PD), chi s’est dimìtidu dae sa càrriga de cuestore de su Consìgiu regionale. Su vitze-presidente, imbetzes, est Emanuele Cera (FdI). Pro Antonio Solinas custa est sa de tres legisladuras; Cera, chi est istadu sìndigu de Arcidanu dae su 2005 a su 2020, est faghende imbetzes sa de duas legisladuras.
Sa presidèntzia de sa Cummissione Sanidade est tocada, in fines, a Carla Fundoni (PD), cun Alice Aroni (Grupu ammisturadu) vitze-presidente.
Su Partidu Democràticu tenet bator presidentes, is àteros duos sunt de su Movimentu Chimbe Isteddos. De ses presidentes, duas sunt fèminas, ambas duas de su Partidu Democràticu.
In s’interis, su presidente nou de sa Cummissione pro is Fainas produsidoras Antonio Solinas at annuntziadu chi chida chi benit at a cumentzare in Consìgiu su caminu de su disinnu de lege pensadu dae sa Giunta regionale pro firmare, pro un’annu e mesu, su cuncordu de impiantos noos de produsimentu de energia dae fontes annoàbiles. Su disinnu de lege dd’aiat aprovadu sa Giunta regionale, ghiada dae Alessandra Todde, su 30 de abrile passadu.
Antoni Nàtziu Garau
Faina fata cun s’agiudu de sa Regione Sardigna – IMPRENTAS 2023-2024 – L.R. 22/2018, art. 22.
commenta