Oje sas catzones de sos Tazenda in sa rubrica “Imparis cun sa musica”

Presentada da Frantziscu Pirisi e trasmittia a sas 19.20 – 21. 20 – 22.20 – 23.20

tazenda vecchia formazione

Sos mamentos de prus importu in su camminu in sa musica de su sotziu “Tazenda” ana a essere ammentaos custu sero durante sa rubrica “Imparis cun sa musica”, de Radio Cuore.

Tra sas catzones preventivas “Domo mia”, “Madre terra” e “Carrasecare”, cust’urtima iscrita dae Piero Marras. Un’àtera de sas operas ada a essere su “Deus ti salvet Maria”, chi amus a ascurtare dae sa voche de Andrea Parodi, su cantadore cun radichinas in Genova mortu in su 2006.

Sa rubrica, cuvrennà in s’istudiu dae Francesco Pirisi, venidi trasmitia a sas 19.20-21,20 – 22,20 e 23, 20.

Ammentamus chi Radio Cuore de Aristanis, est presente in sa Vrequenza 97. Si podede ascurtare puru in su situ de Internet, intrande in s’indiritzu www.radiocuore.net.

Chenapura, 19 Capidanni 2014

commenta

Tutte le notizie

Su Gazetinu, lunis 13 de maju de su 2024

Su Gazetinu, lunis 13 de maju de su 2024

Sa Sardigna in su Salone de su Libru de Torinu – Acabbat oe sa de XXXVI editziones de su Salone internatzionale de su Libru de Torinu, s’apuntamentu prus de importu in su panorama editoriale italianu, acasagiadu comente a semper in su Lingotto Fieras.

Ocannu protagonista de sa manifestatzione est istada fintzas sa Sardigna, cun unas cantas paradas dedicadas a sa regione nostra, abbiatzadas dae domos de imprenta, autores e assòtzios de importu.

S’Ìsula nostra at pòdidu gosare de unu tretu de 120 metros cuadros in su Padillione 2, paradas K114 – L113 e at propostu in custas dies (e fintzas oe) sa bellesa de 35 addòbios, cun 27 presentadas de libros. Ma ddoe aiat fintzas laboratòrios pro is pipios e àteras fainas dedicadas a sa cultura e a àteras chistiones de Sardigna. Is editores presentes in Torinu in sa parada de sa Regione Sardigna pro su de 36 Salones internatzionales de su Libru fiant bìndighi.

“Custu fèstival internatzionale pretziadu permitit – in sa carrera istitutzionale – de otènnere resurtados de importu in su promovimentu de s’Ìsula, cun visibilidade manna de is libros sardos in su mercadu natzionale e èsteru. Su de pigare parte a su Salone de su Libru est una de is fainas de sa Regione pro agiudare s’editoria sarda”, at naradu s’assessora regionale de sa Cultura Ilaria Portas, chi fiat presente in Torinu is primas duas dies de su Salone.

Totu sa manifestatzione teniat a tema generale sa “Vida immaginària”, unu riferimentu a s’autora Natalia Ginzburg, chi in un’iscritu suo aiat sutaliniadu chi dae sa vida immaginària moviat sa vida criadora, a bortas antitzipende o intzertende is acontèssidos de sa vida reale.

Movende dae custu tema, sa Regione Sardigna at presentadu is fainas suas a intro de su surcu de is “Visiones”, contende s’Ìsula nostra cun unas cantas figuras literàrias e culturales mortas dae pagu tempus. Intra de custas non podiant mancare Michela Murgia, Maria Giacobbe, Gigi Riva e Enrico Atzeni.

Antoni Nàtziu Garau

Faina fata cun s’agiudu de sa Regione Sardigna – IMPRENTAS 2023-2024 – L.R. 22/2018, art. 22.