Gianmario Cucca (su primu a destra) cun àteros cumponentes de su coro
Su sotziu culturale de Nugoro “Coro Grazia Deledda” ada azùntu torra su grupu de su cantu a tenore. Batos zobanos, tra sos 16 e sos 26 annos, essios a campu dae sa tradissione de su cuncordu nugoresu. Los amus a connoschere mentzus custu sero durante s’atopu de “Imparis”, in Radio Cuore. Amus aere cullegau in su telefono Gian Mario Cucca, 19 annos, istudente in s’universidade de Piacenza, sa “boche” de su tenore.
Sos cantadores de su grupu sunu presentes puru in sa recorta nova ata dae su sotziu culturale (cun sa presentzia manna de su coro polifonicu) e presentà proprio sa chida colà, durantes un atopu in sa domo de naschida de s’iscritrice Grazia Deledda, in su vichinadu de Santu Predu. Sa recorta est mutia “Su Redentore”, dae s’istatua posta dae su 1901 in su monte Ortobene, a supra de sa tzitade, e cantà in su Cd dae Juvanne Piga, poete in custos tempos tra sos prus notos de sa Sardigna.
Ammentamus chi “Imparis” venidi trasmitia dae Radio Cuore su sero a sas 19,20 – 21,20 – 22,20 e 23,20. Si podede ascurtare puru in Internet, intrande cun s’indirizzu: www.radiocuore.net.
Sa rubrica est cuvrennà dae Francesco Pirisi, in s’istudiu de Aristanis.
Martis, 16 Capidanni 2014
commenta