Maggioranza in aula senza numeri nell'ultima seduta di Consiglio provinciale. L'opposizione: "Abbiamo consentito lo svolgimento dei lavori per senso delle istituzioni e per rispetto verso le comunità"
Maggioranza in aula senza numeri nell'ultima seduta di Consiglio provinciale. L'opposizione: "Abbiamo consentito lo svolgimento dei lavori per senso delle istituzioni e per rispetto verso le comunità"
Maggioranza in aula senza numeri nell'ultima seduta di Consiglio provinciale. L'opposizione: "Abbiamo consentito lo svolgimento dei lavori per senso delle istituzioni e per rispetto verso le comunità"
I consiglieri provinciali del campo largo Celletti, Masala, Piras e Ponti chiedono "un presidio stabile di conoscenza e monitoraggio, necessario per difendere il diritto all'istruzione"
Export sardu in frenada, s’instabilidade geo-polìtica nche afundat sas impresas piticas de s’Ìsula – S’instabilidade polìtica internatzionale est cunditzionende sas esportatziones de sas manifaturas de s’Ìsula, corpende sas impresas mèdias e piticas. Custu lu narat s’Ufìtziu Istùdios de Confartigianato Sardegna in base a datos Istat, cunfrontende sos ùrtimos tres meses de su 2025 cun su primu de su 2026.
Su datu prus pesante est in Mèdiu Oriente: sas esportatziones de sas manifaturas sardas sunt minimadas de su 35,5%, giai su dòpiu de sa mèdia italiana (-18,1%). In Germània sa frenada est istada de s’11,5%, contras a su -4,4% natzionale. Sas bèndidas de sas impresas sardas piticas e mèdias nche sunt caladas de su 64,6%, su peus datu registradu in Itàlia.
Minimadas meda fintzas in sos Istados Unidos, sas bèndidas sardas totales a èstero nche sunt caladas de su 47,9%, mentres a livellu natzionale sunt crèschidas de s’1,7%. Pro sas Pmi isulanas s’abbassamentu est istadu de su 29,7%.
A pesare s’instabilidade geo-polìtica e sas gherras internatzionales, e custu cheret nàrrere prus pagas rechestas, prètzios prus artos e dificultades in sa programmatzione. “Custos nùmeros nos ammentant cantu sas impresas nostras siant inseridas in filieras e mercados internatzionales e cantu su chi sutzedet in su mundu tenet cunsighèntzias fintzas a tesu meda dae in ue bi sunt sas gherras” narat Giacomo Meloni, presidente de Confartigianato Imprese Sardegna, “Sas impresas piticas non si podent lassare a sa sola de fronte a su minimare de sas rechestas, a sas ispesas pro s’energia e a una mancàntzia manna de seguresa”.
Intre sos setores prus colpidos a livellu natzionale: metallurgia (-45%), machinàrios (-32,9%) e àteras indùstrias manifaturieras (-30,5%). Negativu meda est su bilàntziu cun sos Paisos de su Golfo, in ue s’esportatzione regionale nch’est calada de su 34,3%, cun sos Emirados Arabos Unidos a -39,9%.
Pro Confartigianato serbint istrumentos pro sustènnere s’internatzionalizatzione e diferentziare sas destinatziones, reduende s’espositzione a sas crisi geo-polìticas e aperende oportunidades noas pro su Made in Sardegna.
Maria Giovanna Serchisu
Faina fata cun s’agiudu de sa Regione Sardigna – IMPRENTAS 2025-2026 – L.R. 22/2018, art. 22.
