Su Gazetinu, giòbia 17 de làmpadas de su 2021 - LinkOristano

Su Gazetinu, giòbia 17 de làmpadas de su 2021

Su Gazetinu

Su Gazetinu OK

Su Gazetinu, giòbia 17 de làmpadas de su 2021

Su Gazetinu

Aristanis lìbera dae su Coronavirus – Dae eris Aristanis est torra sena de Coronavirus. Fintzas s’ùrtimu positivu est sanadu. No acontessiat dae s’istadiale passadu. Su sìndigu Andrea Lutzu, chistionende cun praghere de sa nova, at invitadu comente si siat a tènnere prudèntzia manna e a respetare sas règulas.

Prontu sucursu – Is mèigos de is repartos de s’ispidale de Santu Martinu, a borta a borta, ant a ghetare una manu de agiudu a is collegas issoro de su Prontu sucursu pro is turnos iscobertos, transende aici s’arriscu de serrare su servìtziu. In custa faina s’ant a impignare fintzas is primàrios.

Oncoematologia in Aristanis – Su Servìtziu de oncoematologia de s’ispidale de Santu Martinu de Aristanis at otentu s’acreditamentu dae parte de s’Assessoradu regionale de sa Sanidade. Custu at a permìtere de curare in Aristanis a is malàidos noos de custa patologia, chi si nono ddis tocaiat de andare foras pro chircare curas.

Reconnoschimentu de is Chimbe Velas pro su Sinis e pro Bosa – Pro sa prima borta su mare e is costeras de su Sinis de Crabas ant otentu su reconnoschimentu de is Chimbe Velas dadu dae Legambiente. Unu reconnoschimentu de importu, chi cunfirmat su valore mannu ambientale e turìsticu de cussos logos. Una cunfirma, imbetzes, is Chimbe Velas assignadas ocannu puru a su mare e a is prajas de Bosa.

Antoni Nàtziu Garau

—–
Attività realizzata col contributo della Regione Sardegna – IMPRENTAS 2020-2021. LR 22/2018, art. 22

commenta