Su Gazetinu, 1 de làmpadas de su 2021
Su Gazetinu
Iscola de bolu in Fenosu – In s’aeroportu aristanesu de Fenosu diat pòdere abèrrere un’iscola europea de bolu. Su diretore cummertziale de sa Sogeaor Daniele Cioccolo at annuntziadu s’impignu de sa Airwin Aviator School chi traballat in Ungheria.
Ispidale de Santu Martinu, dificultades – Pro more ca ddoe sunt pagos anestesistas, in s’ispidale de Santu Martinu de Aristanis sunt asseguradas is operatziones chirùrgicas de urgèntzia isceti. Ma sa mancàntzia de reagentes est ingendrende dificultades fintzas in su Laboratòriu de anàlisi de s’ispidale. A parre de Beatrice Mura, segretària regionale de su sindacadu FSI Usae, sa “sanidade aristanesa est in unu trèulu mannu”.
Diodato in cuntzertu – Su cantante Diodato at a essire in unu cuntzertu in su Parcu de is sonos de Arriora. Su binchidore de su su Fèstival de Santu Remu at a èssere in provìntzia de Aristanis su 14 de austu.
Allichidimus Santu Giuanni – Cras 2 de làmpadas allichidimentu in sa biddighedda de Santu Giuanni. Sa faina dd’at pensada s’assòtziu Tzur, a manos de pare cun entes e àteros assòtzios.
Martis, 1 de làmpadas de su 2021
Antoni Nàtziu Garau
—-
Attività realizzata col contributo della Regione Sardegna – IMPRENTAS 2020-2021. LR 22/2018, art. 22
commenta