Su Gazetinu, 21 de maju de su 2021
Su Gazetinu
Prima nave cun su metanu in su portu de Aristanis-Santa Justa – Sa prima nave cun su metanu lìcuidu at a arribare mèrcuris chi benit a su portu de Aristanis-Santa Justa. Sa nave, chi càrrigat 7.500 metros cubos, at a serbire su depòsitu nou de GNL de sa sotziedade Higas, su primu de custa genia in Itàlia. Pro s’ocasione ant a èssere presentes su presidente de sa Regione, Christian Solinas, su vitze-ministru de su MISE, Alessandra Todde e is autoridades de su territòriu, paris cun sa dirigèntzia de s’AdSP de su Mare de Sardigna e de sa sotziedade Higas.
Elicòteros contras de su fogu in sa base de Fenosu – In sa base de sa Forestale de Fenosu est giai operativu un’elicòteru pro sa gherra contras de su fogu. Un’àteru elicòteru, su Superpuma, at a cumentzare a traballare dae su primu de su mese de trìulas.
Anfiteatru de Milis – A intro de su mese de austu o de cabudanni ant a agabbare is traballos de acontzu de s’anfiteatru de Milis, chi in is annos passados at acasagiadu addòbios de importu. Su Comune punnat a serrare su cantieri in antis de agabbare s’istadiale.
Chenàbura, 21 de maju de su 2021
Antoni Nàtziu Garau
—-
Attività realizzata col contributo della Regione Sardegna – IMPRENTAS 2020-2021. LR 22/2018, art. 22
commenta