Su Gazetinu, 30 de abrile de su 2021 - LinkOristano

Su Gazetinu, 30 de abrile de su 2021

Su Gazetinu

Su Gazetinu OK

Su Gazetinu, 30 de abrile de su 2021

Su Gazetinu

Tziclismu – Is grandos campiones de su tziclismu internatzionale ant a èssere a metade de trìulas in Aristanis, chi at a acasagiare s’arribu de una tapa de sa Chida tziclìstica. S’addòbiu isportivu dd’ant presentadu in Casteddu.

Prontu sucursu – Dae lunis duos mèigos noos ant a pigare servìtziu a tempus prenu in su Prontu sucursu de s’ispidale “Santu Martinu” de Aristanis, chi arriscaiat de serrare pro more ca su personale fiat pagu. Is duos mèigos arribant dae s’ispidale de “Is Mirrionis” de Casteddu.

Arriora, chentenària – Festa manna in Arriora pro sa chentenària noa de sa bidda. Ddi narant Emilia Lonis e est originària de Terraba.

Unione de Comunes de is Fenìtzios – Su sìndigu de Prammas Emanuele Cadoni est su presidente nou de s’Unione de Comune de is Fenìtzios. In is dies imbenientes s’Assemblea de s’Unione at a elèghere fintzas sa Giunta noa.

Istatale 131 DCN – Sunt cumentzados is traballos de pro torrare a fàghere a nou s’asfaltu de sa bia istatale 131 DCN, in su tretu intra de Abbasanta e Nùgoro. Pro more de is traballos, in sa tzirculatzione at a tocare a impreare is corsias a manera intreverada.

Chenàbura, 30 de abrile de su 2021

Antoni Nàtziu Garau

—-

Attività realizzata col contributo della Regione Sardegna – IMPRENTAS 2020-2021. LR 22/2018, art. 22

commenta