Su Gazetinu, 27 de abrile de su 2021

Su Gazetinu, 27 de abrile de su 2021

Su Gazetinu

Andaiat contras de manu a màchina, arrestadu – Cun sa màchina sua andaiat contras de manu in s’Istatale 131 e, in prus, fiat imbriagu. A un’automobilista de 37 annos de una bidda de sa provìntzia de Aristanis dd’at arrestadu sa Politzia, intrende a Casteddu.

Intzidente, ingortu a manera grave – Un’òmine s’est ingortu a manera grave in un’intzidente acontèssidu s’àtera die acanta de Sinnarìolo. Dd’at dèpidu sucùrrere s’elicòteru. Un’àteru automobilista interessadu in s’intzidente, imbetzes, si nch’est fuidu a pee. Is Carabineris però dd’ant identificadu a pustis de una pariga de oras: est un’òmine de Iscanu.

Aristanis, prefetu nou – Eris su prefetu nou de Aristanis, Fabrizio Stelo, at pigadu servìtziu. Tenet 52 annos e est su prefetu prus giòvanu de totu Itàlia.

Butegas, averiguaduras de is NAS – In unas cantu butegas de Aristanis sos Carabineris de su NAS ant fatu averiguaduras a is trastos POS, pro bìere si fiat presente su Coronavirus.

Samugheo, corrutu – Corrutu in Samugheo pro sa morte de Mario Sulis, promovidore de initziativas meda pro sa bidda e gestore de su tzilleri istòricu de Samugheo. A Sulis dd’aiant ricoveradu in s’ispidale a pustis chi nd’aiat piscadu su Coronavirus.

Santa Giusta, traballos de Abbanoa – Cras a mangianu diat pòdere mancare s’abba in Santa Justa, pro ite ca Abbanoa depet fàghere unos cantos traballos.

Martis, 27 de abrile de su 2021

Antoni Nàtziu Garau

—-

Attività realizzata col contributo della Regione Sardegna – IMPRENTAS 2020-2021. LR 22/2018, art. 22