Su Gazetinu, 20 de abrile de su 2021 - LinkOristano

Su Gazetinu, 20 de abrile de su 2021

Su Gazetinu

Su Gazetinu OK

Su Gazetinu, 20 de abrile de su 2021

Su Gazetinu

Sanidade, chèscia – Chèscia de su personale Assl in Aristanis: pro su 29 de abrile est in programma una manifestatzione in dae in antis de sa Prefetura e de s’ispidale, pro domandare de pigare personale nou e pro afortigare is servìtzios de s’ispidale e cussos de su territòriu. Sa chèscia dda cuncordant is segreterias provintziales de sa Funtzione pùblica Cgil, Uil e Cisl e su sindacadu de is mèigos Cimo.

Vatzinos pro is chi tenent 80 annos e prus – “A intro de su mese de abrile totu is antzianos chi tenent 80 annos e prus de sa provìntzia de Aristanis ant a retzire su vatzinu”. Dd’assegurat s’Assl. In Aristanis s’ùrtima cambarada de antzianos est cunvocada pro chenàbura 23 de abrile. Dudas meda, imbetzes, abarrant pro is “malàidos dìligos”, chi ancoras sunt abetende a ddos tzerriare pro su vatzinu, ma chi non si cumprendet chie ddos depet vatzinare e cando. B’at, in prus, sa chistione de is “malàidos dìligos” chi non podent caminare e chi ddis diant dèpere fàghere su vatzinu in domo issoro.

Crabas, isderrocu in un’iscola de sa pipiesa – Allarme in Crabas in ue nd’est ruta una parte de sa bòvida de s’iscola de sa pipiesa de Crabas. Pro sorte manna nemos s’est ingortu. S’iscola dd’ant serrada cun un’ordinàntzia de su sìndigu Andrea Abis.

Istatale 131 DCN – Acanta de Sèdilo serrant unu tretu de s’Istatale 131 Dcn, pro traballos de acontzu in sa galleria de Santu Antinu. Is traballos de s’Anas diant dèpere agabbare a intro de su mese de abrile.

Martis, 20 de abrile de su 2021

Antoni Nàtziu Garau

—-

Attività realizzata col contributo della Regione Sardegna – IMPRENTAS 2020-2021. LR 22/2018, art. 22

commenta