Su Gazetinu, 15 de abrile de su 2021 - LinkOristano

Su Gazetinu, 15 de abrile de su 2021

Su Gazetinu

Su Gazetinu OK

Su Gazetinu, 15 de abrile de su 2021

Su Gazetinu

Iscrucullu in contu de is vatzinos – Is 15 intra de mèigos e infermieris indagados cun s’imputu de àere fatu is vatzinos a amigos e parentes chi non nde teniant deretu faghent parte de sa cambarada de sanitàrios impignados in su faghimentu de is vatzinos contras de sa Covid-19. S’iscrucullu, contivigiadu dae sa Procura de sa Repùblica de Aristanis chi at incarrigadu a su NAS de is Carabineris de Casteddu, est nàschidu dae una lìtera chi su presidente de s’òrdine de is potecàrios de Aristanis aiat mandadu a is iscritos e dae una faina de averiguadura incarrerada a manera autònoma dae is NAS.

Aristanis, arribat unu prefetu nou – Ddi narant Fabrizio Stelo a su prefetu nou de Aristanis, chi remplasat a Gennaro Capo, chi tramudat a Rieti. Originàriu de Siena, su prefetu Stelo arribat dae su Ministeru de is Internos, in ue teniat un’incàrrigu de importu in s’ufìtziu de gabinetu de su ministru, comente a responsàbile de is Afàrios generales.


Sena de plàstica – Dd’ant transida a data de istabilèssere sa Die ecològica in programma pro domìnigu chi benit 18 de abrile in Turri Manna. Is impèigos prevìdidos dae sa zona ruja, difatis, non sunt cumpatìbiles cun un’addòbiu comente a cussu cuncordadu dae Plastic Free. Est pro cussu chi sunt brincadas fintzas sas dies de regorta de plàstica cuncordadas semper pro domìnigu chi benit in Marceddì e in sa praja de Is Benas.

Giòbia, 15 de abrile de su 2021

Antoni Nàtziu Garau

—-

Attività realizzata col contributo della Regione Sardegna – IMPRENTAS 2020-2021. LR 22/2018, art. 22

commenta