Su Gazetinu, 1 de abrile de su 2021
Impestos – Ampulada de is impestos de Coronavirus eris in provìntzia de Aristanis, in ue si sunt contados 60 impestos noos. De custos, 20 isceti in Aristanis.
Òbligu de si vatzinare – Movet s’òbligu de si vatzinare contras de sa Covid-19 pro totu su personale sanitàriu. Dd’at apostivigadu eris su Consìgiu de is ministros.
Mòguru, isparèssidos – Is Fortzas de s’òrdine e is voluntàrios amengant de chircare in Mòguru a un’òmine de pagu prus o mancu setanta annos e a una fèmina chi tenet unos chimbanta annos. De ambos duos non si nde ischit nudda. Is isparessimentos, comente si siat, paret chi non siant ligados a pare.
Aristanis, fàbbricu cummertziale – In bia de Ilartzi, in Aristanis, ant a fàghere unu fàbbricu cummertziale nou. Dd’at autorizadu su Consìgiu comunale.
Aristanis, termosifones – Dae oe in Aristanis is termosifones ant a abarrare istudados. Est agabbada, difatis, sa simana de tempus in ue si podent allughere e su sìndigu, cunsideradu chi est intrau su beranu e no est prus faghende fritu meda, no at prevìdidu perlongamentos.
Crabas, averiguaduras de Abbanoa – Is famìllias de Crabas ispàciant in mèdia unos 267 litros de abba e pagant 73 tzentèsimos ònnia die. Dd’at fatu a ischire Abbanoa, presentende su servìtziu nou de averiguadura in lìnia.
Giòbia, 1 de abrile de su 2021
commenta