Su Gazetinu, 14 de martzu de su 2021 - LinkOristano
Prima categoria

Su Gazetinu, 14 de martzu de su 2021

Su Gazetinu

Su Gazetinu OK

Su Gazetinu, 14 de martzu de su 2021

Su Gazetinu

Ricoveradu a pustis de su vatzinu – A un’agente de sa Politzia penitentziària dd’ant ricoveradu pro precautzione in s’ispidale de Santu Martinu de Aristanis, pro ite s’est intesu male una pariga de oras a pustis de àere fatu su vatzinu contras de su Sars-CoV-2 prodùsidu dae sa sotziedade AstraZeneca. S’agente traballat in su presone de Màssama.

Aristanis – Su tzentru istòricu eris a merie fiat castiadu bene dae is fortzas de s’òrdine, pro transire s’arriscu de atropèllios de giòvanos. Gira gira ddoe fiant patùllias de Carabineris, Politzia e Guàrdia de Finàntzia.

Gigantes de Mont’’e Prama – S’acontzu de unas cantas istàtuas de is Gigantes de Mont’’e Prama dd’ant a fàghere in Casteddu e, in s’interis, su museu de Crabas at a acasagiare unas cantas àteras istàtuas de is Gigantes chi immoe s’agatant in su museu natzionale de Casteddu. Est sa solutzione chi at annuntziadu sa subrintendente Maura Picciau chi iscrocorigat duncas sa domanda de su Comune de fàghere s’acontzu in Crabas, idea chi praghet fintzas a sa Regione. Su sìndigu Andrea Abis at decraradu chi ancoras no ant agatadu un’acòrdiu e chi de sa chistione nd’at faeddadu in deretura cun su ministru de sa Cultura Dario Franceschini.

Domìnigu, 14 de martzu de su 2021

commenta