Su Gazetinu, 6 de martzu de su 2021
Su Gazetinu
Coronavirus – In Crabas nd’at essidu a pìgiu un’impestu cun sa variante inglesa de su coronavirus. Dd’ant istabilèssidu is laboratòrios de sa Sienda Universitària de Casteddu.
Milis, intzidente istradale – Unu cummertziante de 42 annos, Stefano Ortu, originàriu de Milis e residente in Turre de su Putzu, est mortu in un’intzidente istradale acontèssidu eris a prima note acanta de Milis. Su càmion cosa sua at atumbadu a pare cun una vetura.
Vatzinos – Dae lunis su personale insegnante e no insegnante de is iscolas sardas at a pòdere prenotare su vatzinu contras de su coronavirus in sa pàgina Internet de sa Regione. Dd’at fatu a ischire s’assessore de sa Sanidade, Mario Nieddu.
Neoneli, matas de fruta – In Neoneli su Comune at a assignare 1634 matas de fruta, pro fàghere torrare a abbiatzare is frutoràrgios in is sartos de sa bidda. Sa metade de is domandas ddas ant presentadas giòvanos a suta de 40 annos.
Sàbadu, 6 de martzu de su 2021
commenta