Su Gazetinu, 3 de martzu de su 2021 - LinkOristano
COMMENTA
CONDIVIDI
Prima categoria

Su Gazetinu, 3 de martzu de su 2021

Su Gazetinu

Su Gazetinu OK

Su Gazetinu, 3 de martzu de su 2021

Su Gazetinu

Sabarussa, droga – In Sabarussa is Carabineris nd’ant issucutadu chimbanta chilos de marijuana e ant arrestadu a unu pastore originàriu de Fonne, Michele Serusi. Su valore de sa droga in su mercadu diat èssere istadu de unos 250 mìgia èuros.

Coronavirus, DPCM nou – Est essidu unu DPCM cun règulas noas contras de su coronavirus. Su provedimentu pigadu dae su presidente de su Consìgiu Mario Draghi at a bàlere dae su 6 de martzu fintzas a su 6 de abrile.

Milis, un’àteru mortu pro more de su coronavirus – In Milis si contat su de duos mortos pro more de su coronavirus. Su sìndigu Sergio Vacca at cunfirmadu sa morte de una fèmina chi fiat resurtada positiva a su virus.

Cabu Frasca, esertzitatziones militares – In su polìgonu militare de Cabu Frasca torrant a cumentzare is esertzitatziones de tiru aèreu. Dae su 5 de martzu a su 2 de abrile su previdet una filera de proibimentos in su tretu de mare interessadu, comente at apostivigadu sa Capitaneria de portu de Aristanis.

Vatzinos – In custas dies sa Assl de Aristanis, chi at retzidu agiomai tres mìgia doses de meighina, at a vatzinare contras de sa Covid-19 a is òmines e a is fèminas chi faghent parte de is fortzas de s’òrdine de sa provìntzia de Aristanis. A pustis at a tocare a chie tenet prus de otanta annos.

Marmidda, suspèndida My Land – Pro more de su coronavirus sa manifestatzione isportiva Myland Cross Experience dd’ant suspèndida. Si depiat fàghere sàbadu cun atletas meda chi depiant pigare parte a sa manifestatzione de trial peri is bias e is mores de sa Marmidda arta.

Mèrcuris, 3 de martzu de su 2021

commenta
accedi
Su Gazetinu
Tutte le notizie
Su Gazetinu, lunis 22 de abrile de su 2024

Su Gazetinu, lunis 22 de abrile de su 2024

Is setziones Avis de sa regione s’addòbiant in Casteddu Sardu – Is voluntàrios de is setziones Avis de Sardigna si sunt addobiados eris in Casteddu Sardu pro sa de 53 assembleas annuales de s’Avis regionale, chi est istada fintzas s’ocasione pro faeddare de sa situatzione de is donatziones de sàmbene in s’Ìsula.

In su 2023 in Sardigna ant fatu 80.459 donatziones e, de custas, sa bellesa de 56.917 regortas dae is voluntàrios de s’Avis. Nùmeros incoragidores, si si pensat chi in su 2022 is sachitas fiant istadas 1381 in mancu.

Ma, mancari custos datos lassent isperare in bonu, s’Ìsula est ancoras in suferèntzia e ddi benit a mala bògia a importare sachitas de sàmbene pro parare fronte a sa domanda manna de sàmbene. Si contat, difatis, chi su bisòngiu regionale de ocannu passadu siat istadu de unas 110.000 sachitas, chi at fatu a ddoe parare fronte cun 80.000 donatziones de is sardos e 30.000 sachitas arribadas dae àteras regiones.

“Su de bastare dae sese pro su chi pertocat su bisòngiu regionale non depet èssere una chimera, ma sa raja de unu caminu istabilèssidu, in ue onniunu chi faghet parte de su sistema depet tènnere craru su rolu suo e, su pròpiu, depet tènnere craru sa tarea chi depet fàghere”, at naradu su presidente de s’Avis regionale Sardigna, Vincenzo Dore, invitende a totu is tzitadinos a èssere responsàbiles.

Comente a semper, su traballu de s’Avis in sa regorta de sàmbene est de importu, cun fainas meda e dies dedicadas a sa donatzione. “S’impignu nostru isceti in unu sistema cumplessu comente a cussu regionale non podet bastare”, at sutaliniadu Dore. “Bolemus torrare a espressare sa disponibilidade a traballare a manos de pare cun sa Giunta Todde, presentare is domandas e is progetos nostros pro parare fronte a manera funguda a totu is chistiones de su sistema regionale de sa regorta de su sàmbene”.

“Su de donare est una faina manna de bonucoro chi podet sarvare vidas meda”, at acabbadu su presidente Dore. “Su de fàghere parte de s’Avis bolet nàrrere a s’agatare in una cambarada de amigos impignada in s’isparghidura de is valores de su bonucoro, de sa tzitadinàntzia ativa e de sa cultura de su donu, prus che totu intra de is generatziones noas”.

Antoni Nàtziu Garau

Faina fata cun s’agiudu de sa Regione Sardigna – IMPRENTAS 2023-2024 – L.R. 22/2018, art. 22.