Su Gazetinu, 20 de freàrgiu de su 2021 - LinkOristano
Prima categoria

Su Gazetinu, 20 de freàrgiu de su 2021

Su Gazetinu OK

Su Gazetinu, 20 de freàrgiu de su 2021

Su Gazetinu

Aristanis, intzidente – Un’òmine de 53 annos, Luciano Madau, de Santeru, est mortu eris in un’intzidente istradale acontèssidu in sa zona industriale de Aristanis. Dispraghere mannu in bidda, in ue contivigiaiat s’edìcola e fintzas cussa de Mandriola.

Ispidale de Santu Martinu, Oncoematologia – Sa pensionada chi aiat bintu sa batalla legale contras de sa Regione pro retzire is curas oncoematològicas chi dd’abisongiaiant est morta. Su presidente de Adiconsum Sardigna Giorgio Vargiu, chi aiat agiudadu a custa fèmina in sa batalla sua, at torradu a fàghere un’apellu pro su respetu de su deretu a sa salude.

Iscola, esàmenes – Ocannu, pro more de s’emergèntzia de su coronavirus, is esàmenes de iscola s’ant a fàghere cun sa proa orale isceti. Dd’at fatu a ischire su Ministeru de s’Istrutzione pùblica.

Istatale 131 – Àteros traballos in s’Istatale 131, intra de Marrùbiu e Uras. S’Anas at annuntziadu istorbos in sa tzirculatzione in is chidas imbenientes.

Pisca de eritzones de mare a fura – Sa Forestale at cassadu in is costeras de Santeru a unu piscadore a fura de sa provìntzia de Casteddu: dd’ant agatadu cun 160 eritzones de mare e immoe at a dèpere pagare 4.000 èuros de contraventzione pro no àere respetadu is proibimentos de sa pisca. Is eritzones, bios ancoras, nche ddos ant torrados a ghetare a mare.

Sàbadu, 20 de freàrgiu de su 2021

commenta