Su Gazetinu, 18 de freàrgiu de su 2021 - LinkOristano
Prima categoria

Su Gazetinu, 18 de freàrgiu de su 2021

Su Gazetinu

Su Gazetinu OK

Su Gazetinu, 18 de freàrgiu de su 2021

Su Gazetinu

Gigantes – Su sìndigu de Crabas Andrea Abis at bogadu un’ordinàntzia noa chi apostìvigat sa serrada de su Museu pro àteras oto dies, impeighende ancoras su tramudu a Casteddu de duas istàtuas de is Gigantes de Mont’’e Prama chi sa Sovrintendèntzia domandat pro ddas acontzare. Su Consìgiu regionale, in s’interis, at votadu un’òrdine de is traballos propostu dae su consigieri regionale de su Movimentu 5 Isteddos Alessandro Solinas, chi impignat sa Regione a si mòvere fintzas cun su Ministeru de sa Cultura pro fàghere nàschere sa Fundatzione chi si diat dèpere interessare de s’avaloramentu de is isculturas antigas de Crabas.

Corrutu – Dispraghere mannu pro sa dispidida de Domenico Murruzzu, mortu eris in un’intzidente istradale acontèssidu in s’Istatale 131 acanta de su rugheri de Santa Cristina de Paulle. Murruzzu, maresciallu de is Carabineris in pensione, aiat ghiadu pro unos cantos annos su Nùcleu de politzia giuditziària de sa Procura de Aristanis. Sende in pensione si fiat dedicadu a sa passione manna sua, su pesamentu de caddos, paris cun is fìgios Antonio e Gian Leonardo, duos intra de is cadderis prus capatzos e nòdidos in Sardigna.

Giòbia, 18 de freàrgiu de su 2021

commenta