Su Gazetinu, 17 de freàrgiu de su 2021 - LinkOristano
Prima categoria

Su Gazetinu, 17 de freàrgiu de su 2021

Su Gazetinu

Su Gazetinu OK

Su Gazetinu, 17 de freàrgiu de su 2021

Su Gazetinu

Donigala, isrobatòriu in banca – Est de unos 20 mìgia èuros furados su resurtadu de s’isrobatòriu chi eris a merie ant fatu in s’ufìtziu de sa Banca de Arborea, in sa fratzione de Donigala Fenughedu, a pagu tretu de Aristanis. A s’ufìtziu ddoe est intradu una bandidu isceti, incarotadu, ma sa Politzia pensat chi in foras ddoe esseret unu còmplitze. In Aristanis e a ghiru a ghiru sighint is averiguaduras e is iscrucullos de sa Giustìtzia.

Ilartzi, ispidale Delogu – Su Comitadu tzìvicu pro s’ispidale Delogu de Ilartzi bene a cumone movet un’àtera afracada grae in contu de sa gestione de sa sanidade in provìntzia de Aristanis e annùntziat una manifestatzione noa pro domandare de torrare a abèrrere su Laboratòriu de anàlisi e su Presìdiu de primu interventu.
S’apuntamentu est pro sàbadu chi benit, dae is 9.30 a is 12.00, cun is màchinas firmas in filera in arborada de Antonio Carta.

Aristanis, Sartìllia – Sa Sartìllia de Aristanis non dd’ant pòdida cùrrere pro more de su coronavirus, ma eris s’est fata sa bestidura de su cumponidore de su Grèmiu de is maistros de linna, Peppe Sedda. Sa tzerimònia dd’ant fata in sa sea de su Grèmiu etotu, comente at chertu su presidente Antonello Addari, in dae in antis de pagu gente. Su cumponidore at fintzas leadu sa pipia de maju e at fatu una beneditzione simbòlica a sa tzitade.

Mèrcuris, 17 de freàrgiu de su 2021

commenta