Su Gazetinu, 14 de freàrgiu de su 2021
Su Gazetinu
Fritu – Pro custas oras si previdet un’unda de fritu meda in Sardigna e in provìntzia de Aristanis. S’annùntziat una temperadura acanta de su zeru. S’Amparu tzivile regionale at bogadu un’avisu de cunditziones mèteu malas chi balet dae is 18.00 de oe, domìnigu, fintzas a is 8.00 de martis 16 de freàrgiu. In logos de altura e in fundu de is baddes, su fritu mannu at a favorèssere sa formatzione de chilighia e àstragu in s’asfaltu. Si racumandat prudèntzia.
Gigantes de Mont’e Prama – Giai cras etotu su ministru de sa Cultura Dario Franceschini diat dèpere intervènnere in contu de sa chistione chi pertocat is gigantes de Mont’’e Prama. Sa nova dd’at annuntziada su senadore sardu Gianni Marilotti, chi eris at pigadu parte a sa manifestatzione de chèscia cuncordada in Crabas dae s’Amministratzione comunale chi est contras de su tramudu de unas cantas istàtuas a Casteddu, in ue sa Sovrintendèntzia ddas cheret acontzare.
Domìnigu, 14 de freàrgiu de su 2021
commenta