Prima categoria

Su Gazetinu, 12 de freàrgiu de su 2021

Su Gazetinu

Su Gazetinu OK

Su Gazetinu, 12 de freàrgiu de su 2021

Su Gazetinu

Graziano Mesina – Interessat fintzas sa provìntzia de Aristanis sa chirca de Graziano Mesina, chi est bandidende dae su mese de trìulas, cando si nche fiat fuidu in antis de nde ddu leare is Carabineris pro nche ddu torrare a portare a presone, in ue depet iscontare una cundenna noa. Is Carabineris ant fatu averiguaduras in su sartu intra de Cùglieri e Santa Caderina de Pitinuri.

Frùmene Tirsu – S’Amparu tzivile regionale at bogadu un’avisu pro more de s’abertura de is paratias de is digas in su Tirsu. Prudèntzia manna oru oru de frùmene pro is undamentos chi si diant pòdere ingendrare.

Gigantes de Mont’e Prama – Is Carabineris de su Nùcleu de amparu de su patrimòniu culturale ant incarreradu iscrucullos in contu de sa chistione de is Gigantes de Mont’’e Prama chi sa Sovrintendèntzia nche diat bòlere portare a Casteddu pro ddos acontzare, ma chi su Comune de Crabas domandat de ddos acontzare in Crabas etotu. A suta de esàmene s’ordinàntzia de su sìndigu Andrea Abis chi at apostivigadu sa serrada de su museu, impeighende su tramudu de duas istàtuas.

Vatzinos – Oe cumentzat una filera noa de vatzinatziones contras de sa Covid-19 in Aristanis gràtzias a 840 doses noas mandadas dae s’Ats. S’Assl at cunvocadu a is voluntàrios de su sucursu, chi ddos ant a vatzinare intra de oe e lunis.

Chenàbura, 12 de freàrgiu de su 2021

commenta

Tutte le notizie

Su Gazetinu, lunis 22 de abrile de su 2024

Su Gazetinu, lunis 22 de abrile de su 2024

Is setziones Avis de sa regione s’addòbiant in Casteddu Sardu – Is voluntàrios de is setziones Avis de Sardigna si sunt addobiados eris in Casteddu Sardu pro sa de 53 assembleas annuales de s’Avis regionale, chi est istada fintzas s’ocasione pro faeddare de sa situatzione de is donatziones de sàmbene in s’Ìsula.

In su 2023 in Sardigna ant fatu 80.459 donatziones e, de custas, sa bellesa de 56.917 regortas dae is voluntàrios de s’Avis. Nùmeros incoragidores, si si pensat chi in su 2022 is sachitas fiant istadas 1381 in mancu.

Ma, mancari custos datos lassent isperare in bonu, s’Ìsula est ancoras in suferèntzia e ddi benit a mala bògia a importare sachitas de sàmbene pro parare fronte a sa domanda manna de sàmbene. Si contat, difatis, chi su bisòngiu regionale de ocannu passadu siat istadu de unas 110.000 sachitas, chi at fatu a ddoe parare fronte cun 80.000 donatziones de is sardos e 30.000 sachitas arribadas dae àteras regiones.

“Su de bastare dae sese pro su chi pertocat su bisòngiu regionale non depet èssere una chimera, ma sa raja de unu caminu istabilèssidu, in ue onniunu chi faghet parte de su sistema depet tènnere craru su rolu suo e, su pròpiu, depet tènnere craru sa tarea chi depet fàghere”, at naradu su presidente de s’Avis regionale Sardigna, Vincenzo Dore, invitende a totu is tzitadinos a èssere responsàbiles.

Comente a semper, su traballu de s’Avis in sa regorta de sàmbene est de importu, cun fainas meda e dies dedicadas a sa donatzione. “S’impignu nostru isceti in unu sistema cumplessu comente a cussu regionale non podet bastare”, at sutaliniadu Dore. “Bolemus torrare a espressare sa disponibilidade a traballare a manos de pare cun sa Giunta Todde, presentare is domandas e is progetos nostros pro parare fronte a manera funguda a totu is chistiones de su sistema regionale de sa regorta de su sàmbene”.

“Su de donare est una faina manna de bonucoro chi podet sarvare vidas meda”, at acabbadu su presidente Dore. “Su de fàghere parte de s’Avis bolet nàrrere a s’agatare in una cambarada de amigos impignada in s’isparghidura de is valores de su bonucoro, de sa tzitadinàntzia ativa e de sa cultura de su donu, prus che totu intra de is generatziones noas”.

Antoni Nàtziu Garau

Faina fata cun s’agiudu de sa Regione Sardigna – IMPRENTAS 2023-2024 – L.R. 22/2018, art. 22.