Prima categoria

Su Gazetinu, 6 de freàrgiu de su 2021

Su Gazetinu

Su Gazetinu OK

Su Gazetinu, 6 de freàrgiu de su 2021

Su Gazetinu

Zona groga – Dae lunis sa Sardigna torrat in zona groga. Dd’at fatu a ischire su Ministeru de sa salude. Su disponimentu arribat a pustis de duas chidas de zona in colore de arantzu pro firmare is impestos de coronavirus.

Bullismu – Acontèssidu grave de bullismu in Terraba, in ue a unu pitzocheddu chi fiat andende a iscola dd’at afracadu a puntadas de pee un’àteru giòvanu. De sa chistione si nde sunt incurende is Carabineris.

Gigantes – Su cuncordu de una manifestatzione de chèscia in Crabas pro firmare su tramudu a Casteddu de duas istàtuas de gigantes de Mont’’e Prama. Est su chi at istabilèssidu eris a merie su Consìgiu comunale de Crabas.

Cabu Frasca – Dae lunis chi benit in Cabu Frasca torrant a cumentzare is esertzitatziones militares aèreas. S’ant a fàghere fintzas a su 4 de martzu e prevident una filera de impèigos in su tretu de mare in dae in antis de su polìgonu.

Aristanis, populatzione – Su Comune de Aristanis at pèrdidu agiomai 500 bividores in is ùrtimos duos annos. Is datos de s’Ufìtziu de s’anàgrafe cunfirmant su fenòmenu de s’ispopulamentu de sa tzitade.

Biddobrana, bonucoro – In Biddobrana movet su bonucoro pro agiudare a is frades Meloni chi ddis ant brusiadu sa sienda zootècnica. Su Comune at abertu unu contu currente pro regòllere is ofertas.

Sàbadu, 6 de freàrgiu de su 2021

commenta

Tutte le notizie

Su Gazetinu, lunis 22 de abrile de su 2024

Su Gazetinu, lunis 22 de abrile de su 2024

Is setziones Avis de sa regione s’addòbiant in Casteddu Sardu – Is voluntàrios de is setziones Avis de Sardigna si sunt addobiados eris in Casteddu Sardu pro sa de 53 assembleas annuales de s’Avis regionale, chi est istada fintzas s’ocasione pro faeddare de sa situatzione de is donatziones de sàmbene in s’Ìsula.

In su 2023 in Sardigna ant fatu 80.459 donatziones e, de custas, sa bellesa de 56.917 regortas dae is voluntàrios de s’Avis. Nùmeros incoragidores, si si pensat chi in su 2022 is sachitas fiant istadas 1381 in mancu.

Ma, mancari custos datos lassent isperare in bonu, s’Ìsula est ancoras in suferèntzia e ddi benit a mala bògia a importare sachitas de sàmbene pro parare fronte a sa domanda manna de sàmbene. Si contat, difatis, chi su bisòngiu regionale de ocannu passadu siat istadu de unas 110.000 sachitas, chi at fatu a ddoe parare fronte cun 80.000 donatziones de is sardos e 30.000 sachitas arribadas dae àteras regiones.

“Su de bastare dae sese pro su chi pertocat su bisòngiu regionale non depet èssere una chimera, ma sa raja de unu caminu istabilèssidu, in ue onniunu chi faghet parte de su sistema depet tènnere craru su rolu suo e, su pròpiu, depet tènnere craru sa tarea chi depet fàghere”, at naradu su presidente de s’Avis regionale Sardigna, Vincenzo Dore, invitende a totu is tzitadinos a èssere responsàbiles.

Comente a semper, su traballu de s’Avis in sa regorta de sàmbene est de importu, cun fainas meda e dies dedicadas a sa donatzione. “S’impignu nostru isceti in unu sistema cumplessu comente a cussu regionale non podet bastare”, at sutaliniadu Dore. “Bolemus torrare a espressare sa disponibilidade a traballare a manos de pare cun sa Giunta Todde, presentare is domandas e is progetos nostros pro parare fronte a manera funguda a totu is chistiones de su sistema regionale de sa regorta de su sàmbene”.

“Su de donare est una faina manna de bonucoro chi podet sarvare vidas meda”, at acabbadu su presidente Dore. “Su de fàghere parte de s’Avis bolet nàrrere a s’agatare in una cambarada de amigos impignada in s’isparghidura de is valores de su bonucoro, de sa tzitadinàntzia ativa e de sa cultura de su donu, prus che totu intra de is generatziones noas”.

Antoni Nàtziu Garau

Faina fata cun s’agiudu de sa Regione Sardigna – IMPRENTAS 2023-2024 – L.R. 22/2018, art. 22.