Su Gazetinu, 3 de freàrgiu de su 2021 - LinkOristano
COMMENTA
CONDIVIDI
Prima categoria

Su Gazetinu, 3 de freàrgiu de su 2021

Su Gazetinu OK

Su Gazetinu, 3 de freàrgiu de su 2021

Su Gazetinu

Coronavirus – Sa Sardigna abarrat in colore de arantzu cun totu is impèigos prevìdidos pro firmare sa pandemia de coronavirus. Su Tar de sa Sardigna at iscrocorigadu su recursu de sa Regione contras de sa classificatzione fata dae su Guvernu.

Eris s’Unidade de crisi at signaladu in provìntzia de Aristanis 17 impestos de coronavirus. Su Comune de Aristanis dae parte sua at fatu a ischire de sete impestos e oto sanamentos. Sunt sete, imbetzes, is impestos e ses is sanamentos in Santa Justa. Un’impestu e duos sanamentos in Santu Lussurzu, mentres in Ilartzi ddoe sunt ses sanamentos e ancoras sete positivos.

Tzeddiani, in fines, est torra lìberu dae su virus, a pustis de is ùrtimos sanamentos; in Sèdilo, in ue sa timoria creschet, pro oe si previdet un’averiguamentu intra de is dischentes de is iscolas.

Campidanu de Terraba – A su sìndigu de Terraba, Sandro Pili, dd’ant cunfirmadu presidente de s’Unione de is Comunes de su Campidanu de Terraba. A vitze-presidente ant elègidu a su sìndigu de Marrùbiu, Andrea Santucciu.

Sartilli’’e canna – Pro more de su coronavirus non s’at a pòdere fàghere nemmancu sa Sartilli’’e canna. Sa currera cun is cadditos de canna interessat ònnia annu a chentinas de pipios.

Mèrcuris, 3 de freàrgiu de su 2021

commenta
accedi
Su Gazetinu
Tutte le notizie
Su Gazetinu, lunis 22 de abrile de su 2024

Su Gazetinu, lunis 22 de abrile de su 2024

Is setziones Avis de sa regione s’addòbiant in Casteddu Sardu – Is voluntàrios de is setziones Avis de Sardigna si sunt addobiados eris in Casteddu Sardu pro sa de 53 assembleas annuales de s’Avis regionale, chi est istada fintzas s’ocasione pro faeddare de sa situatzione de is donatziones de sàmbene in s’Ìsula.

In su 2023 in Sardigna ant fatu 80.459 donatziones e, de custas, sa bellesa de 56.917 regortas dae is voluntàrios de s’Avis. Nùmeros incoragidores, si si pensat chi in su 2022 is sachitas fiant istadas 1381 in mancu.

Ma, mancari custos datos lassent isperare in bonu, s’Ìsula est ancoras in suferèntzia e ddi benit a mala bògia a importare sachitas de sàmbene pro parare fronte a sa domanda manna de sàmbene. Si contat, difatis, chi su bisòngiu regionale de ocannu passadu siat istadu de unas 110.000 sachitas, chi at fatu a ddoe parare fronte cun 80.000 donatziones de is sardos e 30.000 sachitas arribadas dae àteras regiones.

“Su de bastare dae sese pro su chi pertocat su bisòngiu regionale non depet èssere una chimera, ma sa raja de unu caminu istabilèssidu, in ue onniunu chi faghet parte de su sistema depet tènnere craru su rolu suo e, su pròpiu, depet tènnere craru sa tarea chi depet fàghere”, at naradu su presidente de s’Avis regionale Sardigna, Vincenzo Dore, invitende a totu is tzitadinos a èssere responsàbiles.

Comente a semper, su traballu de s’Avis in sa regorta de sàmbene est de importu, cun fainas meda e dies dedicadas a sa donatzione. “S’impignu nostru isceti in unu sistema cumplessu comente a cussu regionale non podet bastare”, at sutaliniadu Dore. “Bolemus torrare a espressare sa disponibilidade a traballare a manos de pare cun sa Giunta Todde, presentare is domandas e is progetos nostros pro parare fronte a manera funguda a totu is chistiones de su sistema regionale de sa regorta de su sàmbene”.

“Su de donare est una faina manna de bonucoro chi podet sarvare vidas meda”, at acabbadu su presidente Dore. “Su de fàghere parte de s’Avis bolet nàrrere a s’agatare in una cambarada de amigos impignada in s’isparghidura de is valores de su bonucoro, de sa tzitadinàntzia ativa e de sa cultura de su donu, prus che totu intra de is generatziones noas”.

Antoni Nàtziu Garau

Faina fata cun s’agiudu de sa Regione Sardigna – IMPRENTAS 2023-2024 – L.R. 22/2018, art. 22.