Su Gazetinu, 26 de ghennàrgiu de su 2021 - LinkOristano
Prima categoria

Su Gazetinu, 26 de ghennàrgiu de su 2021

Su Gazetinu

Su Gazetinu OK

Su Gazetinu, 26 de ghennàrgiu de su 2021

Su Gazetinu

Delitu de su lagu. At domandadu perdonu Christian Fodde, imputadu in su protzessu de apellu pro su delitu de su lagu, sa morte de Manuel Careddu, su giòvanu de Macumere mortu oru oru de su lagu Omodeo s’11 de cabudanni de su 2018. Fodde at fatu decraratziones dae sese, in dae in antis de is giùighes de sa Corte de Assise de apellu, chi lunis chi benit ant a bogare sa sentèntzia issoro.

Coronavirus. Fintzas eris in provìntzia de Aristanis si sunt contados impestos meda de coronavirus. S’Unidade de crisi regionale nd’at contadu 36. Dae is Comunes lompent unas cantas signalatziones: in Sèdilo ses impestos in unu tzentru pro is antzianos; àteros ses in Aristanis e su pròpiu in Santa Justa. Duos impestos in Arcidanu, duos in Bonàrcadu e unu in Santu Lussurzu. Ma si contant fintzas sanamentos meda.

Prontu sucursu. Ancoras istorbos mannos me in su Prontu Sucursu de s’ispidale Santu Martinu de Aristanis, in ue in is ùrtimas dies carchi malàidu at dèpidu abetare fintzas 12 oras in antis de intrare. Is malàidos ant dèpidu abetare in is ambulàntzias. Paret chi su problema siat s’ismèngua de materiales chi serbint pro fàghere is tampones lestros. Dificultades fintzas pro is operadores de su sucursu. Is ambulàntzias, difatis, abarrant firmas e non podent parare fronte a àteros interventos de su servìtziu 118.

Martis, 26 de ghennàrgiu de su 2021

commenta