Su Gazetinu, 11 de ghennàrgiu de su 2021 - LinkOristano
Prima categoria

Su Gazetinu, 11 de ghennàrgiu de su 2021

Su Gazetinu

Su Gazetinu OK

Su Gazetinu, 11 de ghennàrgiu de su 2021

Su Gazetinu

Coronavirus, 11 mortos in Sardigna – Àteros 11 mortos eris in Sardigna pro more de su coronavirus, cunforma a su bulletinu bogadu dae s’Unidade de crisi regionale chi at contadu fintzas àteros 40 impestos noos in is ùrtimas 24 oras in provìntzia de Aristanis. Su Comune de Aristanis, dae parte sua, at annuntziadu in tzitade 6 impestos e 4 sanamentos.

Proibimentu de essire a su note cara a sa cunfirma – Su Guvernu est aprontende is normas noas pro parare fronte a s’isparghidura de su coronavirus. Si cunfirmat su proibimentu de essire cumentzende de is 22.00. Amegant de pensare fintzas a una filera de règulas contras de is atropèllios chi is giòvanos faghent a prima note, previdende su proibimentu de nche leare cosa de bufare o cosa de papare dae is bar a pustis de is 18.00. S’istùdiat fintzas sa nàschida de sa chi ddi narant “zona bianca”, in ue at a tocare a portare sa mascheredda e a respetare su tretu de istesiamentu intra de una persone e un’àtera.

Àteros isderrocos pro more de s’abba – Àteros duos isderrocos eris in Aristanis pro more de sa tropu abba, a pustis de su chi fiat acontèssidu in is dies passadas in bia de Vittorio Veneto. Custa borta is isderrocos sunt acontèssidos in Donigala, in bia de sant’Antonino, e in tzitade, in bia de Prammas. Nde sunt rutas duas domos betzas e, pro sorte bona, nemos s’est fertu. In ambos duos is acontèssidos sunt intervènnidos is Vìgiles de su Fogu.

Lunis, 11 de ghennàrgiu de su 2021

commenta