Tres coros de Aristanis in cuntzertu pro agiudare a Paolo Palumbo
Tres coros de Aristanis nche àrtziant a su palcu de s’Auditorium de Santu Domìnigu pro una faina de bonucoro contras de sa SLA.
Un’ispetàculu musicale cuncordadu pro regòllere dinari pro chi su bisu de su coghineri aristanesu malàidu de SLA, Paolo Palumbo, si potzat furriare a realidade: andare a Israele pro provare sa terapia isperimentale de sa Brainstorm. S’apuntamentu est pro custu meritzeddu, a is 20.30.
Ant a cantare sa Polifònica Arborensa, de su maistru Carlo Oro; su coro Tzitade de Aristanis, ghiadu dae su maistru Walter Ledda e su coro feminile Sa Pintadera, de su maistru Costantino Mirai.
Sàbadu, su 25 de maju de su 2019
commenta