Prima categoria

Antiquarium Arborensu e Pinacoteca comunale de Aristanis abertos pro is festas de Pasca Manna

Addòbios

Oristano - Antiquarium Arborense - Inaugurazione mostra falsi idoli 11

Antiquarium Arborensu e Pinacoteca comunale de Aristanis abertos pro is festas de Pasca Manna

Aristanis promovet su patrimòniu culturale suo fintzas in is vacàntzias de Pasca Manna. Oe e cras, die de Pascueta, s’Antiquarium e sa Pinacoteca comunale aberint a manera regulare pro su pùblicu.

Oe s’Antiquarium est abertu dae is 10.00 a is 13.00 e dae is 16.00 a is 20.00. Sa Pinacoteca aberit a mangianu dae is 10.00 a is 13.00 e, a merie, dae is 16.30 a is 19.30.

Lunis 22 de abrile s’Antiquarium aberit a totu die dae is 09.00 a is 20.00, mentras sa Pinacoteca aberit dae is 10.00 a is 13.00 e, a merie, dae is 16.30 a is 19.30.

Domìniga, su 21 de abrile de su 2019

commenta

Tutte le notizie

Su Gazetinu, lunis 22 de abrile de su 2024

Su Gazetinu, lunis 22 de abrile de su 2024

Is setziones Avis de sa regione s’addòbiant in Casteddu Sardu – Is voluntàrios de is setziones Avis de Sardigna si sunt addobiados eris in Casteddu Sardu pro sa de 53 assembleas annuales de s’Avis regionale, chi est istada fintzas s’ocasione pro faeddare de sa situatzione de is donatziones de sàmbene in s’Ìsula.

In su 2023 in Sardigna ant fatu 80.459 donatziones e, de custas, sa bellesa de 56.917 regortas dae is voluntàrios de s’Avis. Nùmeros incoragidores, si si pensat chi in su 2022 is sachitas fiant istadas 1381 in mancu.

Ma, mancari custos datos lassent isperare in bonu, s’Ìsula est ancoras in suferèntzia e ddi benit a mala bògia a importare sachitas de sàmbene pro parare fronte a sa domanda manna de sàmbene. Si contat, difatis, chi su bisòngiu regionale de ocannu passadu siat istadu de unas 110.000 sachitas, chi at fatu a ddoe parare fronte cun 80.000 donatziones de is sardos e 30.000 sachitas arribadas dae àteras regiones.

“Su de bastare dae sese pro su chi pertocat su bisòngiu regionale non depet èssere una chimera, ma sa raja de unu caminu istabilèssidu, in ue onniunu chi faghet parte de su sistema depet tènnere craru su rolu suo e, su pròpiu, depet tènnere craru sa tarea chi depet fàghere”, at naradu su presidente de s’Avis regionale Sardigna, Vincenzo Dore, invitende a totu is tzitadinos a èssere responsàbiles.

Comente a semper, su traballu de s’Avis in sa regorta de sàmbene est de importu, cun fainas meda e dies dedicadas a sa donatzione. “S’impignu nostru isceti in unu sistema cumplessu comente a cussu regionale non podet bastare”, at sutaliniadu Dore. “Bolemus torrare a espressare sa disponibilidade a traballare a manos de pare cun sa Giunta Todde, presentare is domandas e is progetos nostros pro parare fronte a manera funguda a totu is chistiones de su sistema regionale de sa regorta de su sàmbene”.

“Su de donare est una faina manna de bonucoro chi podet sarvare vidas meda”, at acabbadu su presidente Dore. “Su de fàghere parte de s’Avis bolet nàrrere a s’agatare in una cambarada de amigos impignada in s’isparghidura de is valores de su bonucoro, de sa tzitadinàntzia ativa e de sa cultura de su donu, prus che totu intra de is generatziones noas”.

Antoni Nàtziu Garau

Faina fata cun s’agiudu de sa Regione Sardigna – IMPRENTAS 2023-2024 – L.R. 22/2018, art. 22.