COMMENTA
CONDIVIDI
Eventi

La Sardegna rivive nei costumi di tanti cavalieri della Sartiglia – Foto

Eleganti e ricercati

Oristano

Eleganti e ricercati

Tantissimi costumi sardi per i cavalieri che quest’anno corrono la Sartiglia di Oristano.  Tutti molto eleganti, sono sicuramente la stragrande maggioranza, rispetto a queli di foggia spagnola. Qui sotto la gallery fotografica.
guarda tutte le foto
15
Sartiglia 2024 – I costumi dei cavalieri

Martedì, 13 febbraio 2024
Su Gazetinu
Tutte le notizie
Su Gazetinu, giòbia 30 de maju de su 2024

Su Gazetinu, giòbia 30 de maju de su 2024

Una coa de chida de addòbios in Sardigna – Una coa de chida de addòbios in Sardigna intra de cultura, sagras e apuntamentos isportivos de non pèrdere. In provìntzia de Casteddu, in Santu Sparau, fintzas a domìnigu ddoe est su Fèstival Sant’Arte dedicadu a is artes visivas e performadoras, pensadu dae Pinuccio Sciola e organizadu dae sa Fundatzione Sciola, cun s’agiudu de sa Regione Sardigna, de sa Fundatzione Sardigna e de su Comunu de Santu Sparau.

In S’Alighera, semper fintzas a su 2 de làmpadas, si curret imbetzes sa tapa italiana de su Campionadu de su Mundu de Rally. Cuncordada dae s’Automobile Club de Italia, est sa de ses tapas de su Campionadu mundiale in ue ant a fàghere a trivas 87 echipàgios in unu caminu de prus de 260 chilòmetros de bias sena de asfaltare, in 16 provas ispetziales in su nord de Sardigna.

De importu fintzas sa de 20 editziones de su “Girotonno” in U Pàize, cun sa triva gastronòmica internatzionale, ispetàculos de coghina cun grandes coghineris, tastaduras, addòbios e àteros istentos.

Pro is isportivos amantiosos de s’apicheddada e de s’isport in logu abertu, s’apuntamentu est in Ulassa cun sa rassigna Ulassa Fèstival 2024, oramai un’apuntamentu abetadu pro una coa de chida de isport in unu paesàgiu ispantosu.

E, ancoras, Monumentos Abertos: sa prima parte de s’editzione 2024 at a acabbare in custa coa de chida in is biddas de Ardaule, Ballau, U Pàize, Su Masu, Giauni, Neoneli, Pàdria, Segariu (pro sa prima borta, in ue si podent bisitare sa crèsia de Santu Giòrgiu Màrtire e sa crèsia de Santu Sebestianu), Istintinu, Teulada e Tuiŕi.

In provìntzia de Aristanis, in fines, s’apuntamentu in Bosa, in su Temo, cun Bosa in Rock, cun unas cantas cambaradas intra de is mègius de su rock italianu. In Masuddas, imbetzes, sa prima editzione de sa Sagra de is Crogoristas, cun sa de 13 editziones de sa Sagra de su Caboniscu e cun un’apuntamentu in su Giardinu botànicu; in Bonàrcadu, imbetzes, torrant a fàghere sa Sagra de sa Cherèsia.

Antoni Nàtziu Garau

Faina fata cun s’agiudu de sa Regione Sardigna – IMPRENTAS 2023-2024 – L.R. 22/2018, art. 22.