Su Gazetinu, martis 6 de cabudanni de su 2022 - LinkOristano
COMMENTA
CONDIVIDI
Su gazetinu

Su Gazetinu, martis 6 de cabudanni de su 2022

Su Gazetinu

Su Gazetinu OK
Su Gazetinu

Su Gazetinu, martis 6 de cabudanni de su 2022

Unu programma istraordinàriu de agiudu e abbiatzamentu in su setore primàriu in Sardigna. Ddu domandat sa sìndiga de Arborea Manuela Pintus, chi at mandadu una lìtera-apellu a su Presidente de sa Repùblica Sergio Mattarella, a su Presidente de su Consìgiu Mario Draghi e a su Presidente de sa Regione Christian Solinas. Sa domanda de agiudu arribat sete meses a pustis de sa chèscia manna de is massajos e de is pastores de Arborea, chi in s’ierru passadu aiant cunsignadu a manera simbòlica a Pintus is craes de is siendas zootècnicas issoro, inghenugradas pro more de sa crisi energètica e de s’incarimentu de is prètzios.

Sa sìndiga Pintus at regordadu torra cantu siat grave sa situatzione chi pertocat sa salude de totu su setore agroalimentare de su territòriu de Arborea, cun cunsighèntzias malas pro totu sa Sardigna.

A parre de Pintus is siendas de Arborea podent tirare a in antis cun unu programma istraordinàriu chi bolet fatu a manos de pare cun is atores prus de importu de is fileras alimentares, pro chi is famìllias potzant gosare de prodùsidos de calidade e a prètziu chi si potzat suportare e pro chi is impresas chi traballant in s’agroalimentare potzant tirare a in antis e defensare unu setore de importu mannu pro s’economia de sa Sardigna.

Antoni Nàtziu Garau

Faina fata cun s’agiudu de sa Regione Sardigna – IMPRENTAS 2021-2022 – L.R. 22/2018, art. 22.

Più informazioni
commenta
accedi
Su Gazetinu
Tutte le notizie
Su Gazetinu, lunis 22 de abrile de su 2024

Su Gazetinu, lunis 22 de abrile de su 2024

Is setziones Avis de sa regione s’addòbiant in Casteddu Sardu – Is voluntàrios de is setziones Avis de Sardigna si sunt addobiados eris in Casteddu Sardu pro sa de 53 assembleas annuales de s’Avis regionale, chi est istada fintzas s’ocasione pro faeddare de sa situatzione de is donatziones de sàmbene in s’Ìsula.

In su 2023 in Sardigna ant fatu 80.459 donatziones e, de custas, sa bellesa de 56.917 regortas dae is voluntàrios de s’Avis. Nùmeros incoragidores, si si pensat chi in su 2022 is sachitas fiant istadas 1381 in mancu.

Ma, mancari custos datos lassent isperare in bonu, s’Ìsula est ancoras in suferèntzia e ddi benit a mala bògia a importare sachitas de sàmbene pro parare fronte a sa domanda manna de sàmbene. Si contat, difatis, chi su bisòngiu regionale de ocannu passadu siat istadu de unas 110.000 sachitas, chi at fatu a ddoe parare fronte cun 80.000 donatziones de is sardos e 30.000 sachitas arribadas dae àteras regiones.

“Su de bastare dae sese pro su chi pertocat su bisòngiu regionale non depet èssere una chimera, ma sa raja de unu caminu istabilèssidu, in ue onniunu chi faghet parte de su sistema depet tènnere craru su rolu suo e, su pròpiu, depet tènnere craru sa tarea chi depet fàghere”, at naradu su presidente de s’Avis regionale Sardigna, Vincenzo Dore, invitende a totu is tzitadinos a èssere responsàbiles.

Comente a semper, su traballu de s’Avis in sa regorta de sàmbene est de importu, cun fainas meda e dies dedicadas a sa donatzione. “S’impignu nostru isceti in unu sistema cumplessu comente a cussu regionale non podet bastare”, at sutaliniadu Dore. “Bolemus torrare a espressare sa disponibilidade a traballare a manos de pare cun sa Giunta Todde, presentare is domandas e is progetos nostros pro parare fronte a manera funguda a totu is chistiones de su sistema regionale de sa regorta de su sàmbene”.

“Su de donare est una faina manna de bonucoro chi podet sarvare vidas meda”, at acabbadu su presidente Dore. “Su de fàghere parte de s’Avis bolet nàrrere a s’agatare in una cambarada de amigos impignada in s’isparghidura de is valores de su bonucoro, de sa tzitadinàntzia ativa e de sa cultura de su donu, prus che totu intra de is generatziones noas”.

Antoni Nàtziu Garau

Faina fata cun s’agiudu de sa Regione Sardigna – IMPRENTAS 2023-2024 – L.R. 22/2018, art. 22.