Su Gazetinu, mèrcuris 8 de làmpadas de su 2022 - LinkOristano
Su gazetinu

Su Gazetinu, mèrcuris 8 de làmpadas de su 2022

Su Gazetinu

Su Gazetinu OK

Su Gazetinu, mèrcuris 8 de làmpadas de su 2022

Domìnigu chi benit is tzitadinos de 19 biddas de sa provìntzia de Aristanis ant a dèpere votare pro s’annou de is amministratziones comunales issoro. Sa die etotu in totu is biddas de Itàlia s’at a votare fintzas pro is referendum abrogadores in contu de sa giustìtzia.

Podent votare totu is tzitadinos italianos iscritos in is listas eletorales e chi ant fatu degheoto annos.

Is documentos chi tocat a presentare pro pòdere votare sunt sa carta de identidade o àteru documentu de identificatzione cun fotografia, bogadu dae un’amministratzione pùblica, o sa tèssera de reconnoschimentu dada dae s’Unione natzionale de is ufitziales in cungedu de Itàlia, bastet chi portet sa fotografia e chi siat timbrada dae unu Cumandu militare o sa tèssera de reconnoschimentu dada dae un’òrdine professionale, bastet chi portet una fotografia.

Si non tenet unu documentu de identificatzione adatu, su reconnoschimentu de s’eletore ddu podet fàghere fintzas unu de is cumponentes de su sègiu eletorale chi ddu connoschet e chi nde decrarat s’identidade o un’àteru eletore de su comune, connotu dae is cumponentes de su sègiu eletorale e chi portet unu documentu de reconnoschimentu in fatu o, ancoras, presentende sa domanda pro otènnere sa Carta de Identidade Eletrònica (CIE), bastet chi portet sa fotografia de su titulare e presentet is datos anagràficos suos.

Sa tèssera eletorale s’annoat in s’ufìtziu eletorale de su Comune de residèntzia, chi at a abarrare abertu dae is noe de mangianu a is se de merie in is duas dies in antis de sa votatzione e, sa die etotu, dae s’abertura a sa serrada de su sègiu.

Antoni Nàtziu Garau

Faina fata cun s’agiudu de sa Regione Sardigna – IMPRENTAS 2021-2022 – L.R. 22/2018, art. 22.

commenta