Su Gazetinu, martis 3 de maju de su 2022 - LinkOristano
COMMENTA
CONDIVIDI
Su gazetinu

Su Gazetinu, martis 3 de maju de su 2022

Su Gazetinu

Su Gazetinu OK
Su Gazetinu

Su Gazetinu, martis 3 de maju de su 2022

Fiera de Arborea – At tentu unu sutzessu mannu de pùblicu sa Fiera de sa laurera cuncordada in Arborea sa coa de chida passada, manifestatzione chi marcat sa mòvida noa a pustis de duos annos dificultosos pro more de s’emergèntzia pro su Coronavirus. Sa Fiera est andada bene meda, gràtzias a su muntone de billetes bèndidos e a s’agiudu de is Cooperativas 3A e de is Produsidores, de sa Banca de Arborea, de su Comune e de sa Regione.

A sa Fiera ddoe ant pigadu parte unos chentu produsidores. Unu datu in lìnia cun is nùmeros de su 2019.

Sunt prus de 6.000 is cassetas de fràgula bèndidas. Sa Pro Loco, imbetzes, at ofertu prus de 5.000 copas de fràgula prodùsida in Arborea, acumpangiada cun su pìgiu de late donadu dae sa 3A.

Protagonista de sa Fiera est istada sa de 38 editziones de sa Mustra regionale de is bacas pro late Frisona Italiana.

Su prèmiu prus de importu est tocadu a sa baca Fefa, de sa sotziedade Mattiello de Arborea. Ma ant assignadu fintzas su prèmiu triennale, chi est tocadu a sa sienda de is Frades Rossi de Arborea.

Ant assignadu fintzas su trofeu dei is Presidentes Junior e Senior, bintos dae sa Sienda agrìcula de is Frades Rossi e dae sa Sotziedade agrìcula Al.VI. S.S.

Tocat a regordare fintzas is fainas de s’Agafi, cun protagonistas pipios meda chi depiant ghiare is bitellos. Sa triva de condusimentu de su bestiàmene, siat pro pitzinnos siat pro mannos, dd’ant binta is fèminas, cun Martina Abis e Silvia Beltrame. Sàbadu, imbetzes, su primu cuncursu de valutatzione dd’at bintu s’Agràriu de Biddamassàrgia.

Ma sa Fiera de sa laurera est istada fintzas s’ocasione pro pòdere bìere sa mustra mercadu de màchinas e trastos pro s’agricultura e sa Fiera regionale Floroviva. E, pro chie at chertu papare in Arborea, no sunt mancados is màndigos bonos lestros cuncordados dae sa Pro Loco.

Antoni Nàtziu Garau

—–
Attività realizzata col contributo della Regione Sardegna – IMPRENTAS 2021-2022. LR 22/2018, art. 22

Più informazioni
commenta
accedi
Su Gazetinu
Tutte le notizie
Su Gazetinu, lunis 22 de abrile de su 2024

Su Gazetinu, lunis 22 de abrile de su 2024

Is setziones Avis de sa regione s’addòbiant in Casteddu Sardu – Is voluntàrios de is setziones Avis de Sardigna si sunt addobiados eris in Casteddu Sardu pro sa de 53 assembleas annuales de s’Avis regionale, chi est istada fintzas s’ocasione pro faeddare de sa situatzione de is donatziones de sàmbene in s’Ìsula.

In su 2023 in Sardigna ant fatu 80.459 donatziones e, de custas, sa bellesa de 56.917 regortas dae is voluntàrios de s’Avis. Nùmeros incoragidores, si si pensat chi in su 2022 is sachitas fiant istadas 1381 in mancu.

Ma, mancari custos datos lassent isperare in bonu, s’Ìsula est ancoras in suferèntzia e ddi benit a mala bògia a importare sachitas de sàmbene pro parare fronte a sa domanda manna de sàmbene. Si contat, difatis, chi su bisòngiu regionale de ocannu passadu siat istadu de unas 110.000 sachitas, chi at fatu a ddoe parare fronte cun 80.000 donatziones de is sardos e 30.000 sachitas arribadas dae àteras regiones.

“Su de bastare dae sese pro su chi pertocat su bisòngiu regionale non depet èssere una chimera, ma sa raja de unu caminu istabilèssidu, in ue onniunu chi faghet parte de su sistema depet tènnere craru su rolu suo e, su pròpiu, depet tènnere craru sa tarea chi depet fàghere”, at naradu su presidente de s’Avis regionale Sardigna, Vincenzo Dore, invitende a totu is tzitadinos a èssere responsàbiles.

Comente a semper, su traballu de s’Avis in sa regorta de sàmbene est de importu, cun fainas meda e dies dedicadas a sa donatzione. “S’impignu nostru isceti in unu sistema cumplessu comente a cussu regionale non podet bastare”, at sutaliniadu Dore. “Bolemus torrare a espressare sa disponibilidade a traballare a manos de pare cun sa Giunta Todde, presentare is domandas e is progetos nostros pro parare fronte a manera funguda a totu is chistiones de su sistema regionale de sa regorta de su sàmbene”.

“Su de donare est una faina manna de bonucoro chi podet sarvare vidas meda”, at acabbadu su presidente Dore. “Su de fàghere parte de s’Avis bolet nàrrere a s’agatare in una cambarada de amigos impignada in s’isparghidura de is valores de su bonucoro, de sa tzitadinàntzia ativa e de sa cultura de su donu, prus che totu intra de is generatziones noas”.

Antoni Nàtziu Garau

Faina fata cun s’agiudu de sa Regione Sardigna – IMPRENTAS 2023-2024 – L.R. 22/2018, art. 22.