Su Gazetinu, domìnigu 31 de santugaine de su 2021
Zan: sa lege contras de is discriminatziones at a torrare a mòvere – Su progetu de lege contras de is discriminatziones iscurcuridadu in is dies passadas in su Senadu dd’ant a torrare a presentare ocannu chi benit. Dd’at asseguradu su parlamentare Alessandro Zan, chi de su progetu de lege est su babbu e chi eris at fatu una cunferèntzia cun is istudiantes de su Litzeu “De Castro” de Aristanis. In s’addòbiu s’ex professore de su Litzeu artìsticu, Ivo Serafino Fenu, chi est istadu cumpàngiu de Zan, at faeddadu de s’esperièntzia sua de omosessuale e at naradu chi is faeddos, bortas meda, podent ingòllere comente a un’arma.
Fogu in sa foghe de su Tirsu: dannos ambientales mannos – Dannu ambientale mannu acanta de Aristanis, in ue unu fogu postu a s’aposta at brusiadu su matedu de abba de un’isuledda de unos 15 ètaros in sa foghe de su Tirsu, in ue agataiant acasàgiu unas cantas genias de pugiones de abba e àteros animales. Su Corpus forestale at incarreradu is iscrucullos pro iscobèrrere a is responsàbiles intregados a su malu chi ant postu su fogu.
Antoni Nàtziu Garau
commenta