Su Gazetinu, giòbia 28 de santugaine de su 2021 - LinkOristano

Su Gazetinu, giòbia 28 de santugaine de su 2021

Su Gazetinu OK
Su Gazetinu

Su Gazetinu, giòbia 28 de santugaine de su 2021

Pediatria in arriscu in s’ispidale de Santu Martinu – Fintzas su repartu de Pediatria de s’ispidale de Santu Martinu de Aristanis arriscat de connòschere istorbos mannos pro more ca sunt acanta de andare in pensione bator mèigos.

A manera particulare si timet pro s’assistèntzia de is pipios malàidos de diabete. Sa dotora chi si nde incurat, difatis, issa puru est acanta de andare in pensione e pro immoe non s’ischit chie dd’at a remplasare.

S’assòtziu Aniad, chi ponet paris a is malàidos de diabete, at pigadu su determinu de avisare a sa magistradura pro transire s’arriscu chi su servìtziu de Pediatria si firmet.

Cuncursu pro su Corpus forestale, chèscias e mobilitatzione – Movet in is social sa chèscia pro mudare su bandu de su cuncursu de su Corpus forestale, chi bolet leare a 78 persones noas pro afortiare s’orgànicu suo.

Sa chèscia pertocat sa làcana de edade de is candidados, chi su bandu apostìvigat in 30 annos. Duos giòvanos de Crabas ant fatu mòvere una mobilitatzione, aberende fintzas unu grupu in Facebook.

Amegant de regòllere is adesiones pro fàghere unu recursu ufitziale. De sa chistione si nd’est incuradu fintzas su consigieri regionale de su Movimentu 5 Isteddos Alessandro Solinas, chi at annuntziadu s’agiudu suo pro custa batalla e chi aiat giai marcadu comente a non pretzisa custa làcana de edade chi lassat foras de su cuncursu a is chi tenent prus de 30 annos.

Antoni Nàtziu Garau

—–
Attività realizzata col contributo della Regione Sardegna – IMPRENTAS 2020-2021. LR 22/2018, art. 22

 

 

commenta