Su Gazetinu, chenàbura 22 de santugaine de su 2021 - LinkOristano
Su gazetinu

Su Gazetinu, chenàbura 22 de santugaine de su 2021

Su Gazetinu OK
Su Gazetinu

Chenàbura, 22 de santugaine de su 2021

Sa de tres doses de vatzinu contras de sa Covid-19 – Mentras su Ministeru de sa Salude amegat de pensare a sa possibilidade de fàghere sa de tres doses de vatzinu contras de sa Covid-19 a is chi tenent chimbanta annos, s’Ats Sardigna regordat is protzeduras chi bolent sighidas dae parte de is categorias giai ammìtidas. Intra de custas ddoe sunt chie at giai fatu 60 annos e is persones cun dilighesa manna pro more de àteras maladias chi tenent, bastet chi siant magiorennes. Sa de tres doses dd’ant a pòdere fàghere fintzas is chi faghent una professione sanitària e is àteros traballadores chi intrant a istruturas sanitàrias, sòtziu-sanitàrias e sòtziu-assistentziales.
S’Ats at craridu chi sa de tres doses si podet fàghere a pustis de a su mancus ses meses dae sa de duas, comente at inditadu su Ministeru de sa Salude.

Su sistema de prenotatzione cun sa prataforma de is Postas Italianas balet ancoras. Faghet, duncas, a si prenotare in lìnia, ma fintzas me in is Atm de is ufìtzios postales, o telefonende a su nùmeru 800009966 (chi rispondet ònnia die dae is oto de mangianu a is oto de merie) o cun is posteris. Sa protzedura de prenotatzione permitit de seberare su logu de vatzinatzione intra de is tzentros disponìbiles.

Antoni Nàtziu Garau

—–
Attività realizzata col contributo della Regione Sardegna – IMPRENTAS 2020-2021. LR 22/2018, art. 22

commenta