Su Gazetinu, mèrcuris 6 de santugaine de su 2021 - LinkOristano
Su gazetinu

Su Gazetinu, mèrcuris 6 de santugaine de su 2021

Su Gazetinu OK
Su Gazetinu

Su Gazetinu, mèrcuris 6 de santugaine de su 2021

Milis, impestos de Coronavirus – In is Istitutos Aunidos de Milis, una de is istruturas prus de importu pro s’acasàgiu de is antzianos e de is persones cun disabilidade in provìntzia de Aristanis, nde sunt essidos a pìgiu unos cantos impestos de Coronavirus. Luegos si sunt aplicados is protocollos sanitàrios. Eris in provìntzia de Aristanis si sunt contadas 12 positividades noas a su virus Sars-CoV-2.

Sartìllia e regordu de Annadina Cozzoli – In Aristanis amegant de traballare pro su cuncordu de sa Sartìllia de ocannu chi benit, a pustis de sa firmada de s’ierru passadu pro more de s’epidemia ingendrada dae su Coronavirus. Si pensat a un’editzione in ue is chi ddoe pigant parte ant a dèpere tènnere sa Tzertificatzione birde. De sa chistione si nde at a faeddare in s’addòbiu imbeniente de su Consìgiu comunale, gràtzias a un’interrogatzione proposta dae su consigieri Antonio Iatalese. In s’interis, in Comune ant pigadu su determinu de intitulare unu logu birde a Annadina Cozzoli, morta in is annos passados e chi est istada sa prima fèmina chi at fatu a cumponidora de sa Sartìllia.

Istànios e arratzas furisteras – Est allarme in is istànios de sa provìntzia de Aristanis pro more de sa presèntzia manna de ratzas animales e vegetales furisteras, arribadas dae is mares otzeànicos. Intra de custas prus che totu su càvuru asulu e sa nughe de mare. Is piscadores si chèsciant pro ite ca sa nughe de mare, prus de is àteras ratzas, est ingendrende dannos mannos e amegat de pònnere in arriscu is fainas de pisca. Dae tempus meda ant domandadu a sa Regione de intervènnere. E un’apretu a s’istitutzione regionale pro sa pròpia cosa dd’at fatu fintzas Legapesca.

Antoni Nàtziu Garau

—–
Attività realizzata col contributo della Regione Sardegna – IMPRENTAS 2020-2021. LR 22/2018, art. 22

 

 

commenta