Su Gazetinu, giòbia 23 de cabudanni de su 2021 - LinkOristano
Su gazetinu

Su Gazetinu, giòbia 23 de cabudanni de su 2021

Su Gazetinu OK
Su Gazetinu

Giòbia, 23 de cabudanni de su 2021

Su procuradore de sa Repùblica lassat Aristanis – Su procuradore Ezio Domenico Basso at a lassare Aristanis e at a tramudare in Lombardia. Su plenum de su Consìgiu Superiore de sa Magistradura at apostivigadu sa nòmina sua a procuradore capu de Lecco.

Basso fiat arribadu a Aristanis in su mese de freàrgiu de su 2016. Abetende sa nòmina de su procuradore nou de Aristanis, s’ufìtziu dd’aiat a dèpere ghiare su remplasadore de su procuradore Armando Mammone.

Prontu sucursu – Sa mancàntzia de personale mèigu in su Prontu sucursu de s’ispidale Santu Martinu pistighìngiat s’Òrdine de is mèigos de Aristanis. S’organismu professionale at domandadu torra un’organizatzione noa de totu is Prontos sucursos de sa Sardigna e de su sistema de Urgèntzia e Emergèntzia, impreende fintzas is mèigos de su 118 a intro de is Prontos sucursos.

S’Òrdine, in prus, at espressadu carchi duda in contu de s’impreu de is “mèigos a pesone” arribados in is meses passados a Ilartzi. Pigados sena de domandare chi aerent tentu cumpetèntzias ispetzìficas in cussu campu, a parre de s’organismu professionale diant èssere un’abbrandadore chi non risolvet su problema e chi, antzis, diat pòdere ingendrare àteras dificultades pro more ca mancant is professionalidades ispetzìficas. Pro s’ispidale Delogu s’Ats at a annoare pro àteros ses meses s’afidu de sa gestione de su Logu de primu interventu a sa sotziedade vèneta MST Group.

In is primos bator meses de impreu, is “mèigos a pesone” ant bisitadu unos 1.000 malàidos. Nùmeros chi ant cumbintu sa Sienda sanitària a ddis annoare su cuntratu.

Antoni Nàtziu Garau

—–
Attività realizzata col contributo della Regione Sardegna – IMPRENTAS 2020-2021. LR 22/2018, art. 22

Più informazioni
commenta