Su Gazetinu, lunis 19 de trìulas de su 2021 - LinkOristano
Home secondo piano

Su Gazetinu, lunis 19 de trìulas de su 2021

Su Gazetinu

Su Gazetinu OK
Su Gazetinu

Lunis, 19 de trìulas de su 2021

Milis, fogu – Pistighìngiu mannu eris pro unu fogu chi est mòvidu in sartu de Milis. Su fogu at minetzadu fintzas unas cantas siendas de su territòriu. Pro nde dd’istudare ddoe sunt dèpidos intervènnere un’aparèchiu e bator elicòteros, a prus de unas cantas dosinas de òmines e de mezos.

Coronavirus – Sighint a crèschere is impestos de Coronavirus in provìntzia de Aristanis. Is ùrtimas signalatziones arribant dae is Amministratziones comunales de Crabas e de Arborea: is positivos sunt ses in totu, ma in Arborea sunt abetende ancoras su resurtadu de tampones meda chi ant fatu.

Bosa, prufessone – A pustis de un’annu de firmada pro more de s’emergèntzia pro su Coronavirus, in Bosa torrant a cuncordare sa prufessone in su frùmene Temo in onore de Nostra Sennora de su Mare. “Cun cautela manna e responsabilidade, de acòrdiu cun sa Crèsia e cun Circomare”, at annuntziadu su sìndigu, Pier Franco Casula, “su merie de su 1 de austu s’at a fàghere sa prufessone in su tretu de frùmene chi dae Ponte Betzu at a acumpangiare s’istàtua de Nostra Sennora fintzas a Bosa Marina, cun sa Missa Santa chi s’at a fàghere in pratza de Passino”.

Su Comune at publicadu unas cantas règulas chi cherent respetadas pro pòdere pigare parte a sa prufessone in su frùmene.

Antoni Nàtziu Garau

—–
Attività realizzata col contributo della Regione Sardegna – IMPRENTAS 2020-2021. LR 22/2018, art. 22

 

 

commenta