Domìnigu, 18 de trìulas de su 2021
Sanidade – Is Amministratziones locales de sa provìntzia de Aristanis sunt impignadas in su cuncordu de sa manifestatzione manna chi si previdet pro giòbia 22 de trìulas, cunvocada pro denuntziare sa paràlisi de is servìtzios sanitàrios de is ispidales e de su territòriu. In programma ddoe est unu presìdiu in s’Istatale 131. Is rapresentantes de is comunes de sa provìntzia de Aristanis s’ant a addobiare a is 10.00 in s’àrea de servìtziu de Tramatza. A pustis sa cambarada s’at a transire e at a ocupare sa carregiada de s’Istatale. S’istorbu pro is automobilistas, faghent ischire is amministradores, at a èssere pagu, pro ite ca su tràficu dd’ant a fàghere passare in is bias segundàrias cumplanares.
Pro Loco de Aristanis – A Gianni Ledda dd’ant cunfirmadu in sa presidèntzia de sa Pro Loco de Aristanis. Me in su CdA de s’assòtziu ddoe intrat Ilaria Canu, chi dd’ant nominada vitze-presidente e tesorera. Cunfirma fintzas pro sa segretària, Cristina Romano.
De su Consìgiu de Amministratzione nde faghent parte fintzas Pinuccio Utzeri e Carlo Margaritella, intra de is sòtzios cun prus annos de impignu a intro de sa pro Loco de Aristanis. In su Consìgiu ddoe sunt fintzas is duos rapresentantes de su Comune de Aristanis, is consigieris comunales Davide Tatti e Vincenzo Pecoraro.
Antoni Nàtziu Garau
—–
Attività realizzata col contributo della Regione Sardegna – IMPRENTAS 2020-2021. LR 22/2018, art. 22
commenta