Su Gazetinu, domìnigu 11 de trìulas de su 2021 - LinkOristano
Su gazetinu

Su Gazetinu, domìnigu 11 de trìulas de su 2021

Su Gazetinu OK

Domìnigu, 11 de trìulas de su 2021

Iscrucullu in contu de is vatzinos – Arriscat de torrare a nudda s’iscrucullu in contu de is vatzinos a parentes e a amigos chi interessat unos bìndighi sanitàrios aristanesos. Su giùighe de is iscrucullos preliminares Silvia Palmas at iscrocorigadu sa domanda de suspensione dae is servìtzios pùblicos pro tres de issos, narende chi no ant cummìtidu reatu perunu. In su pronuntziamentu de su giùighe ddoe est iscritu chi non si sunt fatas irregularidades de tale manera de prefigurare is reatos chi ddis imputant.

Vìgiles de su Fogu in Terraba – At a abèrrere lunis su presìdiu de is Vìgiles de su Fogu de Terraba. Su Comune at postu a disponimentu unos cantos locales de s’iscola, pro permìtere a su presìdiu de abarrare abertu fintzas a su mese de cabudanni.

Antoni Nàtziu Garau
—–
Attività realizzata col contributo della Regione Sardegna – IMPRENTAS 2020-2021. LR 22/2018, art. 22

commenta