Su Gazetinu, 23 de maju de su 2021

Su Gazetinu

Su Gazetinu OK

Su Gazetinu, 23 de maju de su 2021

Su Gazetinu

Tampones gratis oe in provìntzia de Aristanis cun sa faina “Sardos e Seguros” – Sighit oe puru in provìntzia de Aristanis sa campànnia de averiguaduras “Sardos e Seguros”, promòvida dae sa Regione Sardigna e cuncordada dae ARES-ATS Sardigna.
Totu is tzitadinos, dae 10 annos in susu, podent fàghere gratis is tampones in su nasu e in sa gorgoena pro bìere si nd’ant buscadu su Coronavirus.
Su test si podet fàghere in su logu prus acanta a ue si bivet, in una de is seas seberadas dae s’Assl de Aristanis a manos de pare cun is Amministratziones comunales, dae is 8.30 a is 13.00 e dae is 14.00 a is 18.00.
Inoghe s’elencu de is seas

Addòbios de su Fai de Aristanis pro regordare is 700 annos dae sa morte de Dante – A intro de sa manifestatzione “Divina Sardigna”, cuncordada pro regordare is 700 annos dae sa morte de Dante Alighieri, su Fai de Aristanis est programmende una filera de addòbios in sa cresiedda de Santu Martinu e in s’Hospitalis Sancti Antoni de Aristanis; in s’ispidale de is Gerosolimitanos in Santu Lenardu de Siete Fuentes, in Santu Lussurzu; in su casteddu de Serravalle, in Bosa. Is addòbios culturales s’ant a fàghere intra de su mese de trìulas e su mese de cabudanni.

Domìnigu, 23 de maju de su 2021

Antoni Nàtziu Garau

—-

Attività realizzata col contributo della Regione Sardegna – IMPRENTAS 2020-2021. LR 22/2018, art. 22

commenta

Tutte le notizie

Su Gazetinu, chenàbura 12 de abrile de su 2024

Su Gazetinu, chenàbura 12 de abrile de su 2024

Dae sa Sardigna a su Brènneru pro amparare is màndigos italianos ischietos – Duas dies de chèscia in sa sedda de su Brènneru contras de is produsimentos italianos farsos, est a nàrrere is màndigos fatos in s’èsteru ma bèndidos comente a italianos. S’8 e su 9 de abrile deghe mìgia massajos arribados dae totu Itàlia ant domandadu prus trasparèntzia e sa firmada de is produsimentos foras dae is làcanas de s’UE chi no respetant is pròpios istandard de produsimentu, assegurende aici su printzìpiu de is règulas che a pare. In su Brènneru ddoe fiat presente fintzas Coldiretti Sardigna cun chentinas de massajos de ònnia parte de s’ìsula, chi ant pesadu sa boghe issoro pro defensare is produsimentos sardos e italianos dae su perìgulu de is importatziones non trasparentes.

In is ùrtimos deghe annos, is importatziones de cosa de papare e de bufare sunt crèschidas de su 60%, lompende a su record de 65 milliardos de èuros. E custu at nòghidu meda a s’economia agrìcula e agroalimentare de is siendas in Sardigna e in Itàlia.

“Semus andados a su Brènneru pro defensare su traballu nostru”, at decraradu su presidente de Coldiretti Sardigna, Battista Cualbu; “podimus fàghere fintzas su mègius traballu de su mundu pro su chi pertocat sa genètica comente a pesadores de bestiàmene e pro is produsimentos de sa laurera, ma – si nos arribant is produsimentos dae s’èsteru in cuncurrèntzia isfidada e sena de is inditos giustos in s’eticheta – torrant a nudda totu is isfortzos chi amus fatu e si ponet in arriscu mannu sa vida etotu de is siendas”.

A prus de èssere presentes is ghiadores de s’assòtziu regionale, su presidente Battista Cualbu e su diretore Luca Saba, a sa manifestatzione ddoe ant pigadu parte fintzas is presidentes e is diretores de totu is seas provintziales de Coldiretti, su Consìgiu regionale de Coldiretti Sardigna e medas rapresentantes de is siendas sardas.

In is duas dies in su Brènneru is massajos ant averiguadu ite tragaiant is tir in intrada, is camion frigu, is autobotes, a manos de pare cun is Fortzas de s’òrdine, donende un’idea de ite ddoe passat in cue ònnia die cun s’arribu sena de controllu perunu de cosa de papare dae s’èsteru chi, pro dda prodùere, non si respetant is pròpias règulas de is produsimentos natzionales.

Antoni Nàtziu Garau

Faina fata cun s’agiudu de sa Regione Sardigna – IMPRENTAS 2023-2024 – L.R. 22/2018, art. 22.