Su Gazetinu, 23 de abrile de su 2021

Su Gazetinu

Su Gazetinu OK

Su Gazetinu, 23 de abrile de su 2021

Su Gazetinu

Allarme pro sa temporada in Abas – Bias e sartos aundados in Abas in ue eris est mòvidu s’allarme pro more de su tempus malu. Un’isderrocada de abba chi est durada unas cantas oras at postu pistighìngiu a s’Amministratzione comunale e a tzitadinos meda.

Mitzas de Santu Lenardu – Su Comitadu pro sa defensa de s’abba de Santu Lussurzu impignadu in sa chistione de is mitzas de Santu Lenardu at domandadu un’addòbiu a sa Regione. Custu a pustis de is trivellatziones cumentzadas pro sa chirca de mitzas noas.

Corrutu in su mundu de su sindacadu – Corrutu in su mundu sindacale aristanesu pro sa morte de Francesco Enna, ex dirigente de is sindacados Filca e Fisba e Cisl. Originàriu de Santu Lussurzu, Enna fiat malàidu dae ora e si suspetat chi nde potzat àere piscadu su Coronavirus.

Vatzinos – Dae oe cumentzat sa vatzinatzione pro is chi tenent prus de otanta annos e pro is malàidos dìligos. Is vatzinos ddos faghent in su tzentru de Aristanis, cuncordadu a intro de su palàtziu de s’isport de Sa Rodia.

Chenàbura, 23 de abrile de su 2021

Antoni Nàtziu Garau

—-

Attività realizzata col contributo della Regione Sardegna – IMPRENTAS 2020-2021. LR 22/2018, art. 22

commenta

Tutte le notizie

Su Gazetinu, chenàbura 12 de abrile de su 2024

Su Gazetinu, chenàbura 12 de abrile de su 2024

Dae sa Sardigna a su Brènneru pro amparare is màndigos italianos ischietos – Duas dies de chèscia in sa sedda de su Brènneru contras de is produsimentos italianos farsos, est a nàrrere is màndigos fatos in s’èsteru ma bèndidos comente a italianos. S’8 e su 9 de abrile deghe mìgia massajos arribados dae totu Itàlia ant domandadu prus trasparèntzia e sa firmada de is produsimentos foras dae is làcanas de s’UE chi no respetant is pròpios istandard de produsimentu, assegurende aici su printzìpiu de is règulas che a pare. In su Brènneru ddoe fiat presente fintzas Coldiretti Sardigna cun chentinas de massajos de ònnia parte de s’ìsula, chi ant pesadu sa boghe issoro pro defensare is produsimentos sardos e italianos dae su perìgulu de is importatziones non trasparentes.

In is ùrtimos deghe annos, is importatziones de cosa de papare e de bufare sunt crèschidas de su 60%, lompende a su record de 65 milliardos de èuros. E custu at nòghidu meda a s’economia agrìcula e agroalimentare de is siendas in Sardigna e in Itàlia.

“Semus andados a su Brènneru pro defensare su traballu nostru”, at decraradu su presidente de Coldiretti Sardigna, Battista Cualbu; “podimus fàghere fintzas su mègius traballu de su mundu pro su chi pertocat sa genètica comente a pesadores de bestiàmene e pro is produsimentos de sa laurera, ma – si nos arribant is produsimentos dae s’èsteru in cuncurrèntzia isfidada e sena de is inditos giustos in s’eticheta – torrant a nudda totu is isfortzos chi amus fatu e si ponet in arriscu mannu sa vida etotu de is siendas”.

A prus de èssere presentes is ghiadores de s’assòtziu regionale, su presidente Battista Cualbu e su diretore Luca Saba, a sa manifestatzione ddoe ant pigadu parte fintzas is presidentes e is diretores de totu is seas provintziales de Coldiretti, su Consìgiu regionale de Coldiretti Sardigna e medas rapresentantes de is siendas sardas.

In is duas dies in su Brènneru is massajos ant averiguadu ite tragaiant is tir in intrada, is camion frigu, is autobotes, a manos de pare cun is Fortzas de s’òrdine, donende un’idea de ite ddoe passat in cue ònnia die cun s’arribu sena de controllu perunu de cosa de papare dae s’èsteru chi, pro dda prodùere, non si respetant is pròpias règulas de is produsimentos natzionales.

Antoni Nàtziu Garau

Faina fata cun s’agiudu de sa Regione Sardigna – IMPRENTAS 2023-2024 – L.R. 22/2018, art. 22.